മാവേലിക്കര: ചെട്ടികുളങ്ങര ഗ്രാമപഞ്ചായത്ത്‌ കേരളോത്സവം പനച്ചമൂട് ഉലുവത് സ്കൂളിൽ ഗ്രാമ പഞ്ചായത്ത്‌ പ്രസിഡന്റ്‌ സി.സുധാകരകുറുപ്പ് ഉദ്ഘാടനം ചെയ്തു. വൈസ് പ്രസിഡന്റ്‌ ലളിത ശശിധരൻ അദ്ധ്യക്ഷനായി. ജില്ലാ പഞ്ചായത്ത്‌ അംഗം ജി.ആതിര, സ്റ്റാൻഡിംഗ് കമ്മിറ്റി ചെയർമാൻമാരായ എസ്.ശ്രീജിത്ത്‌, കെ.ഓമനക്കുട്ടൻ, സുമ കൃഷ്ണൻ, ബ്ലോക്ക് പഞ്ചായത്ത്‌ അംഗം കെ.അജയൻ, ഗ്രാമപഞ്ചായത്ത്‌ അംഗങ്ങളായ ബി.ശ്രീകുമാർ, സോമവല്ലി സാഗർ, രോഹിത് എം.പിള്ള, സുമ അജയൻ, സുമ ബാലകൃഷ്ണൻ, സി.ഡി.എസ് ചെയർപേഴ്സൺ സലൂജ, അസിസ്റ്റന്റ് സെക്രട്ടറി ശ്രീദേവി എന്നിവർ സംസാരിച്ചു. കേരളോത്സവം നാളെ സമാപിക്കും. സമ്മാനദാന സമ്മേളനം ജില്ലാ പഞ്ചായത്ത്‌ വൈസ് പ്രസിഡന്റ്‌ ബിബിൻ സി.ബാബു ഉദ്ഘാടനം ചെയ്യും.