ചേർത്തല: തണ്ണീർമുക്കം കണ്ടംകുളത്തിനു സമീപം കടയിലേക്കു പാഞ്ഞുകയറിയ കാർ ഇടിച്ച്, കടയിൽ സാധനം വാങ്ങാനെത്തിയ അച്ഛനും മകനും പരിക്കേറ്റു. തണ്ണീർമുക്കം ഏഴാം വാർഡ് വട്ടപ്പറമ്പ് സിൽവി (45),മകൻ അലൻ (11) എന്നിവർക്കാണ് പരിക്കേ​റ്റത്. ഇരുവരെയും കോട്ടയം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. ബുധനാഴ്ച രാത്രി 8.15 ഓടെയായിരുന്നു അപകടം. അലന്റെ തലയ്ക്കും സിൽവിയുടെ കൈയ്ക്കും കാലിനുമാണ് പരിക്ക്.ഇരുവരെയും ചേർത്തല താലൂക്ക് ആസ്ഥാന ആശുപത്രിയിലെത്തിച്ച് പ്രാഥമിക ശുശ്രൂഷ നൽകിയ ശേഷമാണ് കോട്ടയത്തേക്ക് മാ​റ്റിയത്. കടയുടെ തൂണുകൾ തകർത്താണ് കാർ പാഞ്ഞു കയറിയത്.