മുഹമ്മ: ജൂനിയർ ഗേൾസ് ഹൈജമ്പിൽ 1.40 മീറ്റർ ചാടി​ ആലപ്പുഴ സെന്റ് ജോസഫ് ഗേൾസ് ഹയർ സെക്കൻഡറി​ സ്കൂളിലെ പ്ലസ് വൺ വിദ്യാർത്ഥി സി. നന്ദന ഒന്നാമതെത്തി. ലിയോ തെർട്ടീന്ത് സ്പോർട്സ് അക്കാഡമിയിലെ പരിശീലനമാണ് നന്ദനയ്ക്ക് കരുത്തായത്. മാരാരിക്കുളം തെക്ക് പഞ്ചായത്ത് കണ്ടത്തിൽ പറമ്പിൽ കെ.ആർ. ചന്ദ്രന്റെയും സജിതയുടെയും മകളാണ്. സ്കൂൾ പഠന കാലയളവി​ൽ സജിത കായിക മത്സരങ്ങളി​ൽ സജീവമായി​രുന്നു.