ആലപ്പുഴ: പാലക്കാട് പി.കെ.ദാസ് ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസിൽ നിന്ന് മികച്ച വിജയം നേടിയ അനന്തു വിജയകുമാറിനെ എസ്.എൻ.ഡി.പി യോഗം അമ്പലപ്പുഴ യൂണിയനിലെ കളർകോട് കിഴക്ക് 5472ാംനമ്പർ ശാഖായോഗം അനുമോദിച്ചു. പള്ളാത്തുരുത്തി കുറുവപ്പാടംചിറ മിനി മന്ദിരത്തിൽ കെ.ബി.വിജയകുമാർ,അമ്പിളി ദമ്പതികളുടെ മകനാണ് അനന്തു വിജയകുമാറി​നെ യൂണിയൻ പഞ്ചായത്ത് കമ്മറി അംഗം എൽ.ഷാജി വസതിയിൽ എത്തി പൊന്നാട അണിയിച്ച് ആദരിച്ചു. ശാഖായോഗം സെക്രട്ടറി കെ.സുനിൽ കുമാർ ഉപഹാരം നൽകി. ശാഖായോഗം ഭാരവാഹികളായ ടി​.ജി.സുരേഷ് കുമാർ, ശശിധരൻ, ജിഷ എന്നിവർ പങ്കെടുത്തു.