മുഹമ്മ: സഹോദരിയുടെ മരണം അറിഞ്ഞതിനു പിന്നാലെ സഹോദരനും യാത്രയായി​. മണ്ണഞ്ചേരി പഞ്ചായത്ത് നാലാം വാർഡ് പൊന്നാട് നരിയനയിൽ പരേതനായ മുഹമ്മദിന്റെ ഭാര്യ സീനത്താണ് (62) തിങ്കളാഴ്ച രാത്രി 11.30 ഓടെ ആലപ്പുഴ മെഡിക്കൽ കോളേജ് ആശുപത്രിയിൽ ചികിത്സയിലിരിക്കെ മരിച്ചത്.

പുലർച്ചെ 12.30 ഓടെ ആയി​രുന്നു സഹോദരൻ പൊന്നാട് നടുവത്തേഴത്ത് പുത്തൻപറമ്പിൽ ഹംസയുടെ (73) മരണം. സീനത്തിന്റെ മരണം അറിഞ്ഞ് കുടുംബത്തോടൊപ്പം പുറപ്പെടുമ്പോൾ ദേഹാസ്വാസ്ഥ്യം ഉണ്ടാകുകയും തുടർന്ന് മരി​ക്കുകയുമായി​രുന്നു. വീടിനോട് ചേർന്ന് ചായക്കട നടത്തുകയായിരുന്നു ഹംസ. ഇരുവരും അടുത്തടുത്താണ് താമസിച്ചിരുന്നത്. സീനത്തിന്റെ മക്കൾ: ഹന്നത്ത്, നുസ്രത്ത്. മരുമക്കൾ:അൻസർ,മൻസൂർ.ഹംസയുടെ ഭാര്യ: ആസിയ ബീവി. മക്കൾ: നജുമുദ്ദീൻ, അൻസാരി, പരേതയായ നജുമ. മരുമക്കൾ: നിഷ, ഷഹീറ, ഷംസുദീൻ.