പിന്നാക്ക-പട്ടികക്കാരെ ഒഴിവാക്കിയതിൽ വിയോജിച്ച്

ചീഫ് ജസ്റ്റിസ് ഉൾപ്പെടെ രണ്ട് ജഡ്ജിമാർ

ന്യൂഡൽഹി: മുന്നാക്ക സമുദായങ്ങളിൽ സാമ്പത്തികമായി പിന്നാക്കം നിൽക്കുന്ന വിഭാഗങ്ങൾക്ക് തൊഴിൽ, വിദ്യാഭ്യാസ മേഖലയിൽ 10 ശതമാനം സംവരണം ഏർപ്പെടുത്തിയ കേന്ദ്ര സർക്കാർ തീരുമാനം സുപ്രീംകോടതിയുടെ ഭരണഘടനാ ബെഞ്ച് ഭൂരിപക്ഷ വിധിയിലൂടെ ശരിവച്ചു.

അഞ്ചംഗ ബെഞ്ചിൽ മൂന്ന് ജഡ്ജിമാർ അനുകൂലിച്ചപ്പോൾ, ചീഫ് ജസ്റ്റിസ് യു.യു.ദളിതും ജസ്റ്റിസ് രവീന്ദ്ര ഭട്ടും പിന്നാക്ക,പട്ടിക വിഭാഗങ്ങളെ ഇതിൽനിന്നൊഴിവാക്കിയതിനെ എതിർത്തു.

പത്ത് ശതമാനം മുന്നാക്ക സംവരണത്തിനുള്ള ഭരണഘടനാ ഭേദഗതിക്കെതിരായ ഹർജികളിലാണ് സുപ്രീം കോടതിയുടെ നിർണ്ണായകമായ വിധി.ജസ്റ്റിസ് ദിനേശ് മഹേശ്വരി, ജസ്റ്റിസ് ബേല എം. ത്രിവേദി, ജസ്റ്റിസ് ജെ.ബി പർദ്ദിവാല എന്നിവരാണ് അനുകൂല വിധി പുറപ്പെടുവിച്ചത്. എസ്.സി,എസ്.ടി ,ഒ.ബി.സി വിഭാഗങ്ങളെ ഒഴിവാക്കിയതിനെതിരായ ജസ്റ്റിസ് രവീന്ദ്ര ഭട്ടിന്റെ ഭിന്ന വിധിയെചീഫ് ജസ്റ്റിസ് യു.യു. ലളിത് അനുകൂലിക്കുകയായിരുന്നു. 3:2 എന്ന അനുപാതത്തിൽ ഭൂരിപക്ഷ ബെഞ്ചിന്റെ വിധി ശരിവച്ചു. മൂന്ന് ജഡ്ജിമാർ വിധി പ്രസ്താവിച്ച ശേഷമാണ്, ജസ്റ്റിസ് രവീന്ദ്ര ഭട്ടിന്റെ ഭിന്നവിധിക്കൊപ്പമാണെന്ന് ചീഫ് ജസ്റ്റിസ് ലളിത് വ്യക്തമാക്കിയത്. ഭൂരിപക്ഷ ബെഞ്ചിന്റെ വിധിയോട് ചീഫ് ജസ്റ്റിസ് വിയോജിക്കുന്നത് അസാധാരണമാണ്.

ജാതി വിവേചനം ശരിവയ്ക്കലെന്ന്

ജസ്റ്റിസുമാരായ ലളിതും ഭട്ടും

ജാതി വിവേചനത്തിന്റെ ദുരിതങ്ങളെ നിയമപരമായി അംഗീകരിക്കുന്നതിന് തുല്യമാണ്, എസ്.സി, എസ്.ടി, ഒ.ബി.സി വിഭാഗങ്ങളെ മാറ്റി നിറുത്തിയ ഭരണഘടനാ ഭേദഗതിയെന്ന് ഭിന്ന വിധിയിൽ ജസ്റ്റിസ് രവീന്ദ്ര ഭട്ട് ചൂണ്ടിക്കാട്ടി. ഭരണഘടനയുടെ അടിസ്ഥാന തത്വങ്ങൾക്കും സാമൂഹിക നീതിക്കുമെതിരായ 103-ാം ഭരണഘടനാ ഭേദഗതി ഭരണഘടനാപരമല്ല. ഈ വിഭാഗങ്ങളെ ഒഴിവാക്കിയത് ഭരണഘടനയിലെ സാമൂഹ്യനീതിയുടെ അടിസ്ഥാനഘടനയെ തുരങ്കം വയ്ക്കുന്നു. സാമ്പത്തിക സംവരണത്തോട് വിയോജിപ്പില്ല. എന്നാൽ, എസ്.സി, എസ്.ടി ,ഒ.ബി.സി വിഭാഗങ്ങൾക്ക് ഇതിന്റെ ആനുകൂല്യം ലഭിക്കാത്തത് മൗലികാവകാശ ലംഘനമാണ്. സാമ്പത്തിക പിന്നാക്കാവസ്ഥ അതിജീവിക്കാനുള്ള അവസരം തുല്യമായി നൽകണം. ചിലരെ ഒഴിവാക്കിയത് തുല്യതയ്ക്കുള്ള മൗലികാവകാശത്തിന് വിരുദ്ധമാണ്. അതിനാൽ ഭരണഘടനാ ഭേദഗതിയിലെ ഇത് സംബന്ധിച്ച 16 (1),(4) വകുപ്പുകൾ റദ്ദ് ചെയ്യുകയാണെന്ന് ജസ്റ്റിസ് രവീന്ദ്ര ഭട്ട് വ്യക്തമാക്കി. സംവരണത്തിൽ 50 ശതമാനം പരിധി ലംഘിക്കുന്നതിനെയും ജസ്റ്റിസ് ഭട്ട് എതിർത്തു. ഇതിനെയാണ് ചീഫ് ജസ്റ്റിസ് യു.യു ലളിത് അനുകൂലിച്ചത്.

മുന്നാക്ക സംവരണം

ന്യായമെന്ന് ഭൂരിപക്ഷം

സാമ്പത്തികമായ പിന്നാക്കം നിൽക്കുന്നവരെ കൈ പിടിച്ചുയർത്താനാണ് മുന്നാക്ക സംവരണമെന്ന് ജസ്റ്റിസ് ദിനേശ് മഹേശ്വരി വിധിന്യായത്തിൽ പറഞ്ഞു.നിലവിൽ സംവരണം കിട്ടാത്തവർക്കാണ് പത്ത് ശതമാനം സംവരണമെന്ന ന്യായത്തോട് മറ്റ് രണ്ട് ജഡ്ജിമാരും യോജിച്ചു.

സു​പ്രീം​കോ​ട​തി​ ​വി​ധി​ ​സാ​മൂ​ഹി​ക​നീ​തി​യു​ടെ​ ​വി​ജ​യ​മാ​ണ്.​ ​സം​വ​ര​ണം​ ​ജാ​തി​യു​ടെ​ ​പേ​രി​ലാ​യി​രി​ക്ക​രു​ത്,​ ​സ​മ്പ​ത്തി​ന്റെ​ ​അ​ടി​സ്ഥാ​ന​ത്തി​ലാ​യി​രി​ക്ക​ണ​മെ​ന്ന​ ​മ​ന്ന​ത്തു​പ​ത്മ​നാ​ഭ​ന്റെ​ ​കാ​ലം​ ​മു​ത​ലേ​യു​ള്ള​ ​എ​ൻ.​എ​സ്.​എ​സ് ​നി​ല​പാ​ടി​ന് ​ല​ഭി​ച്ച​ ​അം​ഗീ​കാ​രം​ ​കൂ​ടി​യാ​ണ് ​ഈ​ ​വി​ധി
ജി.​സു​കു​മാ​ര​ൻ​ ​നാ​യർ
എ​ൻ.​എ​സ്.​എ​സ് ​ജ​ന​റ​ൽ​ ​സെ​ക്ര​ട്ട​റി

മ​ണ്ഡ​ൽ​ ​ക​മ്മി​ഷ​ൻ​ ​റി​പ്പോ​ർ​ട്ടു​മാ​യി​ ​ബ​ന്ധ​പ്പെ​ട്ട​ ​കേ​സി​ൽ​ ​സം​വ​ര​ണം​ 50​ ​ശ​ത​മാ​നം​ ​ക​വി​യാ​ൻ​ ​പാ​ടി​ല്ലെ​ന്ന് ​സു​പ്രീം​കോ​ട​തി​ ​ഒ​ൻ​പ​തം​ഗ​ ​ബ​ഞ്ച് ​വി​ധി​ ​പു​റ​പ്പെ​ടു​വി​ച്ചി​ട്ടു​ണ്ട്.​ ​ഇ​പ്പോ​ൾ​ ​സം​വ​ര​ണം​ 60​ ​ശ​ത​മാ​ന​മാ​ക്കി​യ​ത് ​കോ​ട​തി​ ​ശ​രി​വ​ച്ചി​രി​ക്കു​ക​യാ​ണ്.​ ​ഈ​ ​വി​ധി​ക​ൾ​ ​പ​ര​സ്പ​ര​ ​വി​രു​ദ്ധ​മാ​ണ്
വെ​ള്ളാ​പ്പ​ള്ളി​ ​ന​ടേ​ശ​ൻ,​
എ​സ്.​എ​ൻ.​ഡി.​പി​ ​യോ​ഗം​ ​ജ​ന​റ​ൽ​ ​സെ​ക്ര​ട്ട​റി