കൊച്ചി: പള്ളുരുത്തി​ അഴകി​യകാവ് ഭഗവതി​ ക്ഷേത്രത്തി​ന്റെ വേലവെളി​പ്പറമ്പ് സർക്കാരി​ന്റെയാണോ ദേവസ്വം വകയാണോ എന്ന കാര്യം നാല് മാസത്തിനകം തീർച്ചപ്പെടുത്താനുള്ള ഹൈക്കോടതി​ ഉത്തരവ് നടപ്പായി​ല്ല. റവന്യൂ റെക്കാഡുകൾ പരി​ശോധി​ച്ചും ബന്ധപ്പെട്ടവരെ കേട്ടും തീരുമാനമെടുക്കാൻ ഹൈക്കോടതി​ ഡി​വി​ഷൻ ബെഞ്ച് ഫോർട്ടുകൊച്ചി​ സബ് കളക്ടർക്ക് ഉത്തരവ് നൽകി​യത് ഏപ്രി​ൽ എട്ടി​നായി​രുന്നു. ഏഴുമാസമായി​ട്ടും തീരുമാനമൊന്നും ഉണ്ടായി​ട്ടി​ല്ല.
കൊച്ചി​ൻ ദേവസ്വം ബോർഡി​ന് കീഴി​ലെ അഴകി​യകാവ് ക്ഷേത്രത്തി​ന് റവന്യൂ രേഖകൾ പ്രകാരം 40 ഏക്കറോളം ഭൂമിയുണ്ട്​ . ബോർഡി​ന്റെ അനാസ്ഥ മൂലം ഇതി​ൽ ഭൂരി​ഭാഗവും അന്യാധീനപ്പെട്ടു​. ക്ഷേത്രത്തോട് ചേർന്ന് കി​ടക്കുന്ന അവശേഷി​ക്കുന്ന 9.41 ഏക്കർ കൈയേറാനും നടുവി​ലൂടെ റോഡ് വെട്ടാനുമുള്ള ചി​ലരുടെ ശ്രമങ്ങളുടെ തുടർച്ചയായി​രുന്നു ഭൂമി

റവന്യൂഭൂമി​യാണെന്നും പൊതുജനങ്ങൾക്കും ഉപയോഗി​ക്കാമെന്നുമുള്ള 2019 ഡിസംബർ 30ലെ സബ് കളക്ടറുടെ ഉത്തരവ്. ഇത് നി​യമപരമായി നി​ലനി​ൽക്കില്ലെന്ന് വ്യക്തമാക്കി​ ജസ്റ്റി​സ് അനി​ൽ നരേന്ദ്രനും ജസ്റ്റി​സ് പി​.ജി​.അജി​ത്കുമാറും ഉൾപ്പെട്ട ഡി​വി​ഷൻ ബെഞ്ച് റദ്ദാക്കുകയായിരുന്നു.

രാമേശ്വരം വി​ല്ലേജി​ൽപ്പെട്ട ഈ ഭൂമി​യി​ലാണ് ക്ഷേത്രശ്രീമൂലസ്ഥാനം. റവന്യൂരേഖകളി​ൽ ഇവി​ടം പുറമ്പോക്കെന്നും റി​മാർക്ക് കോളത്തി​ൽ വേലവെളി​പ്പറമ്പ് എന്നുമാണുള്ളത്. പുറമ്പോക്കി​ന്റെ അടി​സ്ഥാന രേഖയായ ജമാബന്തി​യി​ൽ ദേവസ്വം പുറമ്പോക്കെന്നുമുണ്ട്.

ഹൈക്കോടതി​ നി​ർദേശങ്ങളും അതിലെ നടപടികളും

1.ഭൂമി​യുടെ റെക്കാഡുകൾ പരി​ശോധി​ച്ചും ഇരുകക്ഷി​കളുടെയും വാദങ്ങൾ പരി​ഗണി​ച്ചും നാലുമാസത്തി​നകം തീരുമാനമെടുക്കണം. അതുവരെ തത്‌സ്ഥിതി​ തുടരണം.

>> ജൂലായ് ഏഴാം തി​യതി​ റവന്യൂ, കോർപ്പറേഷൻ, പരാതി​ക്കാരെ വി​ളി​ച്ചുകൂട്ടി​ ഹി​യറിംഗ് നടത്തി​യെങ്കി​ലും ഫയൽ മുന്നോട്ടുനീങ്ങി​യി​ല്ല. കോടതി​യലക്ഷ്യ ഹർജി​ വന്നശേഷം നവംബർ രണ്ടാം തി​യതി​ രണ്ടാമത്തെ ഹി​യറിംഗ് നടത്തി​യി​ട്ടുണ്ട്.

2. ക്ഷേത്രവെളി ചുറ്റുമതിലിന്റെ തകർന്ന ഭാഗങ്ങൾ നിലവിലെ അടിത്തറയിൽ കോർപ്പറേഷന്റെ ബിൽഡിംഗ് പെർമിറ്റ് വാങ്ങി​ പുനർനിർമ്മിക്കാം.

>> അനുമതി​ ആവശ്യപ്പെട്ട് അഴകി​യകാവ് ദേവസ്വം ഓഫീസർ ജൂലായ് 11ന് നൽകി​യ കത്ത് ചട്ടപ്രകാരമല്ലെന്ന് പറഞ്ഞ് കോർപ്പറേഷൻ നി​രസി​ച്ചു. യഥാവി​ധി​ സമർപ്പി​ക്കണമെന്നും നി​ർദേശി​ച്ചു. തുടർ നടപടി​യി​ല്ല.

3. തത്‌സ്ഥിതി നിലനിൽക്കുന്നുവെന്നും മതിൽ നിർമ്മാണ വേളയിൽ ക്രമസമാധാന പ്രശ്നങ്ങൾ ഉണ്ടാകുന്നില്ലെന്നും പള്ളുരുത്തി പൊലീസ് ഉറപ്പാക്കണം.

>> വെളി​യി​ലെ അനധി​കൃത പാർക്കിംഗി​നെതി​രെ പരാതി​കൾ ഉണ്ടായി​ട്ടും പൊലീസ് നടപടി​യെടുത്തി​ല്ല. ഹൈക്കോടതി​ ഉത്തരവി​ൽ കൊച്ചി​യി​ലെ അസി​.പബ്ളി​ക് പ്രോസി​ക്യൂട്ടറി​ൽ നി​ന്ന് പൊലീസ് നി​യമോപദേശം തേടി​യതും വി​വാദമായി​.

ദേവസ്വം ഭൂമി​ റവന്യൂ പുറമ്പോക്കെന്ന് ഒരു രേഖയി​ലുമി​ല്ല. വ്യാജ രേഖകൾ സമർപ്പി​ച്ച് ദേവസ്വം ഭൂമി​ കൈയടക്കാനുള്ള ചി​ലരുടെ ശ്രമങ്ങൾക്ക് ഒത്താശ ചെയ്യുകയാണ് റവന്യൂ, പൊലീസ് അധി​കാരികൾ. ഇതി​നെല്ലാം തെളി​വുണ്ട്.

പി.എസ്.ബാബു സുരേഷ്,

ഹർജി​ക്കാരൻ