മൂവാറ്റുപുഴ: റവന്യൂ ജില്ലാ ശാസ്ത്രമേളയ്ക്ക് ഇന്ന് തിരി തെളിയും. മൂവാറ്റുപുഴ നിർമ്മല എച്ച്.എസ്.എസിൽ രാവിലെ പത്തിന് നഗരസഭ ചെയർമാൻ പി.പി.എൽദോസ് അധ്യക്ഷത വഹിക്കുന്ന ചടങ്ങി​ൽ മാത്യു കുഴൽനാടൻ എം.എൽ.എ.ഉദ്ഘാടനം ചെയ്യും. തുടർന്ന് ഹൈസ്‌കൂൾ വിഭാഗം ശാസ്ത്രമേള നടക്കും. ശാസ്ത്ര മേളയ്ക്കായി 224 വിദ്യാർത്ഥികൾ രജിസ്റ്റർചെയ്തു. യു.പി, ഹൈസ്‌കൂൾ ടീച്ചിംഗ് എയ്ഡ്, ടീച്ചിംഗ് പ്രൊജക്ട് മത്സരവും വേദിയിൽ നടക്കും.

>> സെന്റ് അഗസ്റ്റിൻ ജി.എച്ച് എസ്.എസ്: ഹൈസ്‌കൂൾ, ഹയർ സെക്കൻഡറി അറ്റ്‌ലസ് മേക്കിംഗ്, പ്രാദേശിക ചരിത്ര രചന, പ്രസംഗം, ഹൈസ് സ്‌കൂൾ സ്റ്റിൽ മോഡൽ, വർക്കിംഗ് മോഡൽ മത്സരങ്ങൾ. 253 പേർ രജിസ്റ്റർ ചെയ്തു.

>> എസ്.എൻ.ഡി.പി എച്ച്.എസ്.എസ്: ഹൈസ്‌കൂൾ വിഭാഗം ഗണിതശാസ്ത്രമേള . 392 വിദ്യാർത്ഥികൾ രജിസ്റ്റർ ചെയ്തു. ഹയർ സെക്കൻഡറി വിഭാഗം സെമിനാറും പേപ്പർ അവതരണവും ഇവി​ടെയാണ്.

>> ഗവ.മോഡൽ എച്ച്.എസ്.എസ്, ശിവൻകുന്ന് ജി.എച്ച്.എസ്.എസ് : പ്രവൃത്തി പരിചയമേളയിൽ 1380 വിദ്യാർത്ഥികൾ മാറ്റുരയ്ക്കും.

>> തർബിയത്ത് ട്രസ്റ്റ് വൊക്കേഷണൽ ഹയർ സെക്കൻഡറി സ്‌കൂൾ: വൊക്കേഷണൽ എക്‌സ്‌പ്പോ.

കോട്ടയം, എറണാകുളം ജില്ലകൾ ഉൾപ്പെടുന്ന എറണാകുളം മേഖലയിലെ 65 വൊക്കേഷണൽ ഹയർ സെക്കൻഡറി സ്‌കൂകൂളിലെ വിദ്യാർത്ഥികൾ പഠനത്തിന്റെ ഭാഗമായി നിർമ്മിച്ച വിവിധ ഉത്പന്നങ്ങളുടെ പ്രദർശനനവും വിപണനവും ഉൾക്കൊള്ളുന്നതാണ് എക്‌സ്‌പോ. 67സ്റ്റാളുകളും ഇവി​ടെയുണ്ടാകും. രാവിലെ 11ന് മത്സരം വിലയിരുത്തി​യ ശേഷം പൊതുജനത്തിന് പ്രവേശനംഅനുവദിക്കും. ശാസ്ത്രമേളയിൽ പൊതുജനത്തിന് പ്രവേശനമുള്ള ഏകമേള എക്‌സ്‌പോയാണ്.