ചോറ്റാനിക്കര :ആരക്കുന്നം സെന്റ് ജോർജസ് ഹൈസ്കൂളിലെ ജൂനിയർ റെഡ് ക്രോസിന്റെയും വെട്ടിക്കൽ വെൽകെയർ നഴ്സിംഗ് കോളേജിന്റെയും സംയുക്താഭിമുഖ്യത്തിൽ വിദ്യാലയത്തിൽ 'ബിയോൺഡ് ദി മെഡിസിൻ" എന്ന പേരിൽ പ്രഥമശുശ്രൂഷാ ബോധവത്കരണ ക്ലാസ് നടന്നു. വിദ്യാലയത്തിലെ ജൂനിയർ റെഡ് ക്രോസിലെ അംഗങ്ങൾക്കായി സംഘടിപ്പിച്ച ബോധവത്കരണക്ലാസ് വെൽകെയർ നഴ്സിംഗ് കോളേജ് പ്രിൻസിപ്പൽ പ്രൊഫ. രേണു സൂസൻ തോമസ് ഉദ്ഘാടനം ചെയ്തു. സ്കൂൾ മാനേജർ സി. കെ റെജി അദ്ധ്യക്ഷത വഹിച്ചു. ഹൈസ്കൂൾ സീനിയർ അസിസ്റ്റന്റ് ഡെയ്സി വർഗീസ് സ്വാഗതം പറഞ്ഞു. പി.ടി. എ പ്രസിഡന്റ് ബീന പി നായർ, സ്കൂൾ ബോർഡ്‌ മെമ്പർ ബോബി പോൾ, വെൽ കെയർ നഴ്സിംഗ് കോളേജ് വൈസ് പ്രിൻസിപ്പൽ നീതു ജോർജ്, അസോസിയേറ്റ് പ്രൊഫ. രസിജ ആർ. എന്നിവർ സംസാരിച്ചു. വെൽകെയർ നഴ്സിംഗ് കോളേജ് വിദ്യാർത്ഥിനികൾ തീപ്പൊള്ളൽ, പാമ്പുകടി, അപകടങ്ങൾ, വൈദ്യുതാഘാതം, തുടങ്ങിയവയ്ക്കുള്ള പ്രഥമ ശുശ്രൂഷ തുടങ്ങിയ കാര്യങ്ങളെക്കുറിച്ച് ബോധവത്കരണക്ലാസ് നയിച്ചു.ജൂനിയർ റെഡ് ക്രോസ് കൗൺസിലർ ജോമോൾ മാത്യു നന്ദി പറഞ്ഞു.