ആലുവ: ആലുവ സെന്റ് മേരീസ് ഹൈസ്കൂൾ 12-ാമത് സെന്റിനറി കപ്പ് ഫുട്ബാൾ ടൂർണമെന്റിന്റെ ആദ്യ സെമി ഫൈനലിൽ ആതിഥേയ സ്കൂളും ആലുവ എസ്.എൻ.ഡി.പി ഹയർ സെക്കൻഡറി സ്കൂളും തമ്മിൽ ഏറ്റുമുട്ടും. രണ്ടാം സെമിയിൽ ആലുവ സെന്റ് ജോൺ ദ ബാപ്റ്റിസ്റ്റ് ഹൈസ്കൂൾ ഒക്കൽ ശ്രീ നാരായണ ഹയർ സെക്കൻഡറി സ്കൂളിനെ നേരിടും.

ഇന്നലെ നടന്ന മൂന്നാം ക്വാർട്ടർ ഫൈനലിൽ ആലുവ സെന്റ് ജോൺ ദ ബാപ്റ്റിസ്റ്റ് ഹൈസ്കൂൾ കപ്രശേരി മോഡൽ ടെക്നിക്കൽ ഹയർ സെക്കൻഡറി സ്കൂളിനെ ഒന്നിനെതിരെ രണ്ടു ഗോളുകൾക്ക് പരാജയപ്പെടുത്തി. നാലാം ക്വാർട്ടർ ഫൈനലിൽ ഒക്കൽ ശ്രീ നാരായണ ഹയർ സെക്കൻഡറി സ്കൂളും കലൂർ സെന്റ് അഗസ്‌റ്റിൻ ഹൈസ്കൂളും തമ്മിൽ മാറ്റുരച്ചു. ഏകപക്ഷീയമായ നാല് ഗോളിന് വിജയിച്ച ഒക്കൽ ശ്രീ നാരായണ ഹയർ സെക്കൻഡറി സ്കൂൾ സെമി ഉറപ്പിച്ചു.