രാജ്യത്ത് സി.എൻ.ജി വാഹനങ്ങളിൽ താരം മാരുതിയുടെ മോഡലുകളാണ്. ഇപ്പോഴിതാ മാരുതി നെക്‌സ ഷോറൂമുകളിലെ ഉപഭോക്തൃപ്രിയ മോഡലായ ബലേനോയ്ക്കും സി.എൻ.ജി ഹൃദയം ലഭിച്ചിരിക്കുന്നു. ബലേനോയുടെ സി.എൻ.ജി അവതാരത്തിന് 8.28 ലക്ഷം രൂപ മുതൽ 9.21 ലക്ഷം രൂപവരെയാണ് ന്യൂഡൽഹി എക്‌സ്‌ഷോറൂം വില.

പ്രീമിയം ഹാച്ച്‌ബാക്കിൽ സി.എൻ.ജി ഇന്ധനവുമായി എത്തുന്ന ആദ്യവാഹനമാണ് ബലേനോ എസ്-സി.എൻ.ജി. അതുകൊണ്ടുതന്നെ ഈ വിഭാഗത്തിൽ എതിരാളികളുമില്ല. സി.എൻ.ജി പതിപ്പിന് രണ്ട് വേരിയന്റുകളാണുള്ളത് - ഡെൽറ്റ, സീറ്റ. പ്രാരംഭവില പെട്രോൾ പതിപ്പിനേക്കാൾ 95,000 രൂപ അധികമാണ്.

ബലേനോ എസ്-സി.എൻ.ജി

ബലേനോ എസ്-സി.എൻ.ജിയിൽ 76 ബി.എച്ച്.പി കരുത്തും 98.5 എൻ.എം ടോർക്കുമുള്ളതാണ് എൻജിൻ. സി.എൻ.ജി ടാങ്ക് ശേഷി 55 ലിറ്റർ. കിലോഗ്രാമിന് 30.61 കിലോമീറ്ററാണ് മൈലേജ് വാഗ്ദാനം.