പറവൂർ: എസ്.എൻ.ഡി.പി യോഗം ജനറൽ സെക്രട്ടറി വെള്ളാപ്പള്ളി നടേശന്റെ യോഗസാരഥ്യ രജതജൂബിലി ആഘോഷങ്ങളുടെ ഭാഗമായി ചതയം നാളിൽ പറവൂർ യൂണിയൻ നൽകി വരുന്ന അന്നദാനം കൂനമ്മാവ് ഇവാഞ്ചൽ ആശ്രമം, പള്ളിത്താഴം കൊത്തലങ്കോ ആശ്രമം, പെരുമ്പടന്ന ശാന്തിതീരം ആശ്രമം, പറവൂത്തറ ജനനി വൃദ്ധസദനം എന്നിവിടങ്ങളിൽ നടത്തി. യൂണിയൻ പ്രസിഡന്റ് സി.എൻ. രാധാകൃഷ്ണൻ ഉദ്ഘാടനം ചെയ്തു. വൈസ് പ്രസിഡന്റ് ഷൈജു മനയ്ക്കപ്പടി, യോഗം ഇൻസ്പെക്ടിംഗ് ഓഫീസർ ഡി. ബാബു, യൂണിയൻ കൗൺസിലർ ഡി. പ്രസന്നകുമാർ, യൂത്ത്മൂവ്മെന്റ് ജില്ലാ പ്രസിഡന്റ് അ‌ഡ്വ. പ്രവീൺ തങ്കപ്പൻ, യൂത്ത്മൂവ്മെന്റ് യൂണിയൻ സമിതി അംഗങ്ങളായ അഖിൽ വേണുഗോപാൽ, ജിനീഷ്, വിഷ്ണു, യൂണിയൻ കമ്മിറ്റി അംഗം ഗോപാലകൃഷ്ണൻ പറവൂത്തറ തുടങ്ങിയവർ പങ്കെടുത്തു.