കൊച്ചി: പ്രമുഖ ജർമ്മൻ അത്യാഡംബര വാഹനനിർമ്മാതാക്കളായ പോർ‌ഷേ 718 ബോക്‌‌സ്‌റ്റർ, കേമാൻ എന്നിവയുടെ സ്‌റ്റൈൽ എഡിഷനുകൾ അവതരിപ്പിച്ചു. സ്‌റ്റാൻഡേർഡ് മോഡലുകളിലും അതിനൂതന ഫീച്ചറുകളുണ്ടെന്നതാണ് സവിശേഷത. 718 സ്‌പൈഡർ വീലുകളും 6-സ്പീഡ് മാനുവൽ ട്രാൻസ്‌മിഷനും ഇതിൽ പ്രധാനമാണ്.

ബ്ളാക്ക്, വൈറ്റ് കോൺട്രാസ്‌റ്റ് പാക്കേജ് ഓപ്ഷനുകളുണ്ട്. 295 ബി.എച്ച്.പി കരുത്തുള്ളതാണ് എൻജിൻ. പൂജ്യത്തിൽ നിന്ന് 100 കിലോമീറ്റർ വേഗം കൈവരിക്കാൻ 5.1 സെക്കൻഡ് മതി. ഓപ്‌ഷണൽ സെവൻ-സ്പീഡ് പി.ഡി.കെ മോഡലിൽ ഇതേവേഗം നേടാൻ 4.7 സെക്കൻഡ് ധാരാളം. 275 കിലോമീറ്ററാണ് ടോപ്‌സ്‌പീഡ്.