പെരുമ്പാവൂർ: ഗുരു നിത്യ ചൈതന്യയതിയുടെ ജന്മദിനം നാരായണ ഗുരുകുലം സ്റ്റഡി സർക്കിളിന്റെ ആഭിമുഖ്യത്തിൽ പെരുമ്പാവൂർ വൈ.എം.സി.എ ഹാളിൽ ആഘോഷിക്കും. ഇന്ന് രാവിലെ 9.30ന് ചേരുന്ന സമ്മേളനം എറണാകുളം ശ്രീശങ്കരാനന്ദാശ്രമം സെക്രട്ടറി സ്വാമി ശിവസ്വരൂപാനന്ദ ഉദ്ഘാടനം ചെയ്യും. റെയിൽ നിഗം ലിമിറ്റഡ് ഡയറക്ടർ ഡോ.എം.വി നടേശൻ അദ്ധ്യക്ഷതവഹിക്കും. സി എച്ച് മുസ്തഫ മൗലവി മുഖ്യപ്രഭാഷണം നടത്തും.

തോട്ടുവ മംഗലഭാരതി ആശ്രമം അദ്ധ്യക്ഷ സ്വാമിനി ജ്യോതിർമയി ഭാരതി, സ്വാമിനി വിഷ്ണുപ്രിയ എന്നിവർ അനുഗ്രഹ പ്രഭാഷണം നടത്തും. ഇടുക്കി ജില്ലാ ക്രൈംബ്രാഞ്ച് എസ്.പി കെ.എം. ജിജിമോൻ മുഖ്യാതിഥി ആയിരിക്കും. ഡോ ആശാദേവി, സുജൻ മേലുകാവ്, ജയരാജ് ഭാരതി, നാരായണ ഗുരുകുലം സ്റ്റഡി സർക്കിൾ ജനറൽ കൺവീനർ എം.എസ്. സുരേഷ്, ഗുരുധർമ്മ പ്രചാരണസഭ ജില്ലാ സെക്രട്ടറി എം.ബി. രാജൻ, കുന്നത്തുനാട് യൂണിയൻ അഡ്മിനിസ്‌ട്രേറ്റീവ് കമ്മിറ്റി അംഗവും ഗുരുകുലം സ്റ്റഡിസർക്കിൾ താലൂക്ക് സമിതി ഉപദേശകസമിതി അംഗവുമായ ടി.കെ. ബാബു, സ്റ്റഡി സർക്കിൾ താലൂക്ക് അദ്ധ്യക്ഷ ഡോ. ബിന്ദു അരുൺ, കൺവീനർ എം.വി. സുനിൽ, ഉപാദ്ധ്യക്ഷ കുമാരി രഞ്ജൻ, കമ്മിറ്റി അംഗങ്ങളായ പി.കെ. സത്യൻ, ഷീല മണി, നിഷാന്ത് പി.വി, പ്രതീഷ് സി.എസ്, റെനീഷ് എം ജി, സ്റ്റഡി സർക്കിൾ പെരുമ്പാവൂർ യൂണിറ്റ് കൺവീനർ വത്സല രവികുമാർ എന്നിവർ സംസാരിക്കും.