അടിമാലി: മാരക ലഹരിവസ്തുക്കളുമായി എറണാകുളം സ്വദേശിയെ അടിമാലി നർകോട്ടിക് എൻഫോഴ്‌സ്‌മെന്റ് സ്‌ക്വാഡ് പിടികൂടി. കൊച്ചി -ധനുഷ്‌കോടി ദേശീയപാതയിൽവച്ച് കണയന്നൂർ തുരുത്തേപ്പറമ്പിൽ സുജഹുദ്ദീൻ (26) ആണ് പിടിയിലായത്.
491 മില്ലിഗ്രാം എം.ഡി.എം.എ., 4.5 ഗ്രാം ഹാഷിഷ് ഓയിൽ, 1.5 ഗ്രാംചരസ്, എട്ടുഗ്രാം കഞ്ചാവ് എന്നിവ ഇയാളിൽ നിന്ന് കണ്ടെടുത്തു. എം.ഡി.എം.എ കൊണ്ടുവന്നത് ബംഗളൂരുവിൽ നിന്നാണെന്ന് ഇയാൾ മൊഴിനൽകി. മുമ്പും സമാനകേസുകളിൽപ്പെട്ട് എറണാകുളം കസബ പൊലീസ് അറസ്റ്റ് ചെയ്യുകയും ജയിൽശിക്ഷ അനുഭവിക്കുകയും ചെയ്‌തിട്ടുണ്ട്.