കോലഞ്ചേരി: കുന്നത്തുനാട് നിയോജക മണ്ഡലത്തിൽ പഞ്ചായത്ത് അടിസ്ഥാനത്തിലെ ജനസഭ അദാലത്ത് 26ന് നടക്കും. ഐക്കരനാട് പഞ്ചായത്തിലെ രണ്ടാമത്തെ ജനസഭ കടയിരുപ്പ് ഗവ.ഹയർ സെക്കൻഡറി സ്‌കൂളിൽ നടക്കും. പൊതുമരാമത്ത്, പഞ്ചായത്ത്, ജലവിഭവവകുപ്പ്, ദേശീയപാത അതോറി​റ്റി, വിദ്യാഭ്യാസം, വൈദ്യുതി, പൊലീസ്, റവന്യൂ, സിവിൽ സപ്ലൈസ്, ആരോഗ്യം, പെരിയാർവാലി, ജലസേചനം, ലൈഫ് മിഷൻ, മലിനീകരണം, പട്ടികജാതി, കൃഷി, വ്യവസായം തുടങ്ങിയ വകുപ്പുകളും കേരള ലീഗൽ സർവീസ് അതോറി​റ്റിയും വനിതാ കമ്മിഷനും പങ്കാളികളാകും.

ജനങ്ങളുടെ പ്രശ്‌നങ്ങൾ നേരിട്ട് കേൾക്കാനും പരിഹരിക്കാനുമാണ് അഡ്വ.പി.വി ശ്രീനിജിൻ എം.എൽ.എ പഞ്ചായത്തുതല അദാലത്തുകൾ സംഘടിപ്പിക്കുന്നത്.