കൊച്ചി: ഉന്നതവിദ്യാഭ്യാസ വകുപ്പിന് കീഴിലുള്ള അസാപ് കേരള 'ഹയർ ആൻഡ് ട്രെയിൻ' മാതൃകയിൽ നടപ്പിലാക്കുന്ന 'എൻറോൾഡ് ഏജന്റ്' എന്ന തൊഴിൽ പരിശീലന കോഴ്‌സ് കളമശേരി അസാപ് കമ്മ്യൂണിറ്റി സ്‌കിൽ പാർക്കിൽ ആരംഭിക്കും. കൊമേഴ്‌സ്, ബി.ബി.എ, എം.ബി.എ ബിരുദധാരികൾക്കും, അവസാനവർഷ വിദ്യാർത്ഥികൾക്കും അപേക്ഷിക്കാം. യു.എസ് ടാക്‌സേഷൻ രംഗത്ത് ഉയർന്ന ജോലിയും പ്രതിഫലവും ഉറപ്പ് നൽകുന്നതാണ് ഈ കോഴ്‌സ്. 4 മാസത്തോളമുള്ള പരിശീലന പദ്ധതിയിലൂടെ വിദ്യാർത്ഥികളെ അമേരിക്കൻ ഇന്റേണൽ റവന്യൂ സർവ്വീസ് നടത്തുന്ന സ്‌പെഷ്യൽ എൻറോൾമെന്റ് പരീക്ഷ എഴുതാൻ പ്രാപ്തരാക്കും. കോഴ്‌സ് വിജയകരമായി പൂർത്തീകരിച്ച് സർട്ടിഫിക്കേറ്റ് നേടുന്ന വിദ്യാർത്ഥികൾ യു.എസിലെ നികുതിദായകരെ പ്രതിനിധീകരിച്ച് നികുതി റിട്ടേണുകൾ ഫയൽ ചെയ്യാൻ അധികാരമുള്ളവരാകും. കോഴ്‌സിന്റെ ആദ്യ ബാച്ചുകളിലൊന്നിന്റെ പരിശീലനമാണ് കളമശേരിയിൽ ആരംഭിക്കുന്നത്. . പ്രാഥമിക പരീക്ഷയിലൂടെയാവും കോഴ്‌സിലേക്കുള്ള പ്രവേശനം. കൂടുതൽ വിവരങ്ങൾക്ക് : 9495999749, 9629873740, 6238093350.