കിഴക്കമ്പലം: ജില്ലാ ലൈബ്രറി കൗൺസിൽ, ന്യൂഡൽഹി സ്പിക് മാക്കെ, പുക്കാട്ടുപടി വള്ളത്തോൾ സ്മാരക വായനശാല ബാലവേദിയുടെയും സംയുക്താഭിമുഖ്യത്തിൽ കിഴക്കമ്പലം സെന്റ് ജോസഫ് ഹയർ സെക്കൻഡറി സ്‌കൂളിൽ ക്ലാസിക് കലകളുടെ അവതരണവും പഠനവും സംഘടിപ്പിച്ചു. നർത്തകി രക്ഷാസിംഗ് ദാവീദ് കഥക് അവതരിപ്പിച്ചു. ഹയർ സെക്കൻഡറി സ്‌കൂൾ പ്രിൻസിപ്പൽ കെ.കെ. സോയി ഉദ്ഘാടനം ചെയ്തു. വായനശാലാ സെക്രട്ടറി കെ.എം. മഹേഷ് അദ്ധ്യക്ഷനായി. അനു ജോസഫ്, ഉണ്ണി വാര്യർ, വായനശാല പ്രസിഡന്റ് ജേക്കബ് സി. മാത്യു, കെ. രവിക്കുട്ടൻ തുടങ്ങിയവർ സംസാരിച്ചു.