തൃക്കാക്കര: വേതന വർദ്ധന ഉൾപ്പെടെയുള്ള ആവശ്യങ്ങൾ ഉന്നയിച്ച് എറണാകുളം ജില്ലയിൽ സ്വിഗ്ഗി ഡെലിവറി തൊഴിലാളി യൂണിയൻ നടത്തി​വരുന്ന സമരം ഒത്തുതീർക്കാനുള്ള ശ്രമം പരാജയപ്പെട്ടു. ജില്ലാ ലേബർ ഓഫീസർ വി.കെ. നവാസിന്റെ നേതൃത്വത്തിൽ ആൾ കേരള ഫുഡ് ഡെലി​വറി​ വർക്കേഴ്സ് യൂണിയൻ കൺ​വീനർ എ.കെ.സുരേന്ദ്രൻ, എ.ഐ.ടി​.യു.സി​ മണ്ഡലം സെക്രട്ടറി​ എ.പി​.ഷാജി​ എന്നി​വരുമായും മാനേജ്മെന്റ് പ്രതിനിധിയുമായും ഇന്നലെ നടന്ന ചർച്ച അലസി​പ്പി​രി​ഞ്ഞു.

വേതന വർദ്ധന ആവശ്യം അംഗീകരിക്കാൻ മാനേജ്മെന്റ് പ്രതിനിധി തയ്യാറായി​ല്ല. ജി​ല്ലയി​ൽ പണി​മുടക്ക് തുടരുമെന്ന് എ.കെ. സുരേന്ദ്രൻ പറഞ്ഞു. 7000 പേരാണ് ജി​ല്ലയി​ൽ സ്വി​ഗ്ഗി​ ഡെലി​വറി​ക്കാരായുള്ളത്.