പറവൂർ: കാഥികൻ പറവൂർ സുകുമാരന്റെ സ്മരണാർത്ഥം സുകുമാരൻ സ്മാരക ട്രസ്റ്റ് ഏർപ്പെടുത്തിയ കാഥിക സുരഭി പുരസ്കാരം കാഥികൻ പുളിമാത്ത് ശ്രീകുമാറിന്. 25,000 രൂപയും ഫലകവും പ്രശസ്തി പത്രവുമടങ്ങുന്നതാണ് അവാർഡ്. കെ.പി.എ.സി സജീവ്, ബൈജു സുകുമാരൻ, സൂരജ് സത്യൻ എന്നിവരടങ്ങുന്ന ജൂറിയാണ് അവാർഡ് ജേതാവിനെ തിരഞ്ഞെടുത്തത്. അടുത്തമാസം പറവൂരിൽ നടക്കുന്ന അനുസ്മരണ സമ്മേളനത്തിൽ പുരസ്കാരം സമ്മാനിക്കും.