തൃപ്പൂണിത്തുറ: തൃപ്പൂണിത്തുറ കെ.എസ്.ഇ.ബി. ഓഫീസ് മതിലുകൾ വൃശ്ചികോത്സവത്തിനോടനുബന്ധിച്ച് വർണചിത്രങ്ങളോടെ അണിഞ്ഞൊരുങ്ങി.

ഉദയംപേരൂർ കെ.എസ്.ഇ.ബി ഓഫീസിലെ ഓവർസീയറും പ്രശസ്ത ആർട്ടിസ്റ്റുമായ സി.ബി. കലേഷിന്റെ നേതൃത്വത്തിൽ 10 ഓളം ജീവനക്കാരാണ് കെ.എസ്.ഇ.ബിയുടെ 8 അടി ഉയരമുള്ള മതിലുകളിൽ തങ്ങളുടെ ഒഴിവ് സമയങ്ങളിൽ ചിത്രങ്ങൾ പൂർത്തീകരിച്ചത്.

ജനങ്ങളുടെ ബോധവത്കരണത്തിന് കെ. എസ്. ഇ. ബി​ അംഗീകരിച്ച ആറ് കാർട്ടൂണുകൾ കൂടാതെ ഇടുക്കി ആർച്ച് ഡാം, സോളാർ എനർജി പ്ലാന്റിനെ പ്രോത്സാഹിപ്പിക്കുന്ന പുരപ്പുറ സോളാർ പ്ലാന്റ് ചിത്രം, വൈദ്യതി ചാർജിംഗ് സ്റ്റേഷൻ തുടങ്ങിയ ചിത്രങ്ങളാണ് ഇവർ രചിച്ചത്.