കോതമംഗലം: കോതമംഗലം താലൂക്കിലെ എളംബ്ലാശേരി ആദിവാസി ഊരിലേക്ക് ഭക്ഷ്യ ധാന്യങ്ങൾ നേരിട്ടെത്തിക്കുന്ന സഞ്ചരിക്കുന്ന റേഷൻകട പദ്ധതിയുടെ ഉദ്ഘാടനം എളംബ്ലാശേരി അഞ്ചുകുടി കമ്യൂണിറ്റി ഹാളിൽ ഭക്ഷ്യ സിവിൽ സപ്ലൈയ്സ് വകുപ്പ് മന്ത്രി ജി.ആർ.അനിൽ നിർവഹിച്ചു. ആന്റണി ജോൺ എം.എൽ.എ അദ്ധ്യക്ഷത വഹിച്ചു. കുട്ടമ്പുഴ പഞ്ചായത്ത് പ്രസിഡന്റ് കാന്തി വെള്ളക്കയ്യൻ, ജില്ലാ പഞ്ചായത്ത് അംഗം കെ.കെ.ദാനി, ബ്ലോക്ക് പഞ്ചായത്ത് അംഗം കെ.കെ.ഗോപി, പഞ്ചായത്ത് അംഗങ്ങളായ ശ്രീജ ബിജു, സൽമ പരീത്, മാമലക്കണ്ടം സർവീസ് സഹകരണ ബാങ്ക് പ്രസിഡന്റ് കെ.പി.ഗോപിനാഥൻ, വിവിധ രാഷ്ട്രീയ പാർട്ടി പ്രതിനിധികളായ പി.എൻ.കുഞ്ഞുമോൻ, പി.എം.ശിവൻ, അരുൺ ചന്ദ്രൻ, അഖിൽ ജെയിംസ്, ഊരുമൂപ്പൻ മൈക്കിൾ, കാണിക്കാരൻ രാജപ്പൻ മാത്തി, വാളറ ഡെപ്യൂട്ടി ഫോറസ്റ്റ് റേയ്ഞ്ച് ഓഫീസർ സിജി മുഹമ്മദ്, ജില്ലാ സപ്ലൈ ഓഫീസർ ബി.ജയശ്രീ, താലൂക്ക് സപ്ലൈ ഓഫീസർ ടി.കെ മുരളീധരൻ തുടങ്ങിയവർ പങ്കെടുത്തു.