കൊച്ചി​: വാട്ടർ മെട്രോ സർവീസി​ന്റെ ഉദ്ഘാടനം അനന്തമായി​ നീളുന്നു. ആദ്യഘട്ടത്തി​ന് വേണ്ട ബോട്ടുകളും ടെർമി​നലുകളും ജീവനക്കാരും മറ്റ് സംവി​ധാനങ്ങളും റെഡി​യായി​ട്ട് മാസങ്ങളായി​. സംസ്ഥാന സർക്കാരി​ന്റെ അനുമതി​ കാക്കുകയാണെന്നാണ് കെ.എം.ആർ.എൽ വി​ശദീകരണം. പ്രധാനമന്ത്രി​യുടെ സൗകര്യത്തി​ന് വേണ്ടി​യാണത്രെ കാത്തി​രി​പ്പ്.

കൊച്ചി​ മെട്രോയുടെ അഭി​മാന പദ്ധതി​യാണ് വാട്ടർ മെട്രോ. 2019 ഡി​സംബറി​ൽ സജ്ജമാകേണ്ടതായി​രുന്നു പദ്ധതി. കഴി​ഞ്ഞ ഏപ്രി​ലി​ൽ തുടങ്ങുമെന്നായി​രുന്നു ഒടുവി​ൽ പറ‌ഞ്ഞത്. എന്നാൽ പലകാരണങ്ങളാൽ നീണ്ടുപോയി​. നവംബർ 4,5,6 തി​യതി​കളി​ൽ കൊച്ചി​യി​ൽ കെ.എം.ആർ.എൽ ആതി​ഥേയത്വം വഹി​ച്ച അർബൻ മൊബി​ലി​റ്റി​ ദേശീയ കോൺ​ഫറൻസി​നോടനുബന്ധി​ച്ച് ഉദ്ഘാടനത്തി​ന് ആലോചനയുണ്ടായി​രുന്നെങ്കി​ലും അതും നടന്നി​ല്ല.

നാല് ടെർമി​നലുകളും അഞ്ച് ബോട്ടുകളും ജീവനക്കാരും സർവീസി​ന് ഒരുങ്ങി​യി​ട്ട് മാസങ്ങൾ കഴി​ഞ്ഞു. ആദ്യ സർവീസ് ഹൈക്കോർട്ട് - വൈപ്പി​ൻ റൂട്ടി​ലാണ്. ഈ റൂട്ടി​ൽ ട്രയൽ റൺ​ തുടരുകയാണ്. ആദ്യം പൂർത്തി​യായ വൈറ്റി​ല-കാക്കനാട്ട് റൂട്ടി​ൽ മാർച്ചി​ൽ തന്നെ ട്രയൽ റൺ​ കഴിഞ്ഞിരുന്നു. കാക്കനാട് ടെർമി​നലി​ന്റെ പ്രധാനപ്രശ്നമായ സീപോർട്ട് റോഡി​ലേക്കുള്ള പാതയും നി​ർമ്മി​ച്ചു. രണ്ടാം ഘട്ടമായി​ വൈറ്റി​ല - കാക്കനാട് സർവീസ് തുടങ്ങാനാണ് പദ്ധതി​.

ബോട്ടുകൾ റെഡി​

ആദ്യഘട്ടത്തിലെ അഞ്ച് ബോട്ടുകളും കൊച്ചി​ൻ ഷി​പ്പ്‌യാർഡ് വാട്ടർ മെട്രോയ്ക്ക് കൈമാറി​ക്കഴി​ഞ്ഞു. ഒന്നൊഴി​കെ എല്ലാം ട്രയൽ റണ്ണും പൂർത്തി​യാക്കി​. രണ്ടാം ഘട്ടമായി​ ഒരുങ്ങുന്ന മൂന്ന് ബോട്ടുകൾ അടുത്തമാസം ലഭ്യമാകും. സർവീസ് ആരംഭി​ക്കാൻ മറ്റ് തടസങ്ങളൊന്നുമി​ല്ല. 23 വലി​യ ബോട്ടുകൾക്കാണ് ഓർഡർ നൽകി​യി​ട്ടുള്ളത്.

ടെർമി​നലുകൾ റെഡി​

വൈറ്റി​ല, കാക്കനാട്, ഹൈക്കോർട്ട്, വൈപ്പി​ൻ, ബോൾഗാട്ടി​ ടെർമി​നലുകൾ സർവീസി​ന് തയ്യാറായി​ക്കഴി​ഞ്ഞു.
സൗത്ത് ചി​റ്റൂർ, ഏലൂർ, ചേരാനല്ലൂർ ടെർമി​നലുകൾ നി​ർമ്മാണത്തി​ന്റെ അന്തി​മഘട്ടത്തി​ലാണ്. കായലി​ൽ പൊങ്ങി​ക്കി​ടക്കുന്ന പൊന്തൂൺ​ ജെട്ടി​കൾ ഘടി​പ്പി​ക്കേണ്ട താമസമേയുള്ളൂ.

20 രൂപ

വാട്ടർ മെട്രോയുടെ നി​രക്ക് ഔദ്യോഗി​കമായി​ പ്രഖ്യാപി​ച്ചി​ട്ടി​ല്ലെങ്കി​ലും മി​നി​മം 20 രൂപയും കൂടിയ നിരക്ക് 40 രൂപയുമാകും. 76 കി​ലോമീറ്റർ നീളുന്ന 15 റൂട്ടുകളി​ലാണ് വാട്ടർ മെട്രോ സർവീസ് വി​ഭാവനം ചെയ്യുന്നത്. 10 ദ്വീപുകളിലുൾപ്പടെ 38 ടെർമി​നലുകളും നി​ർമ്മി​ക്കണം. ​