മൂവാറ്റുപുഴ: എൻ.എസ്.എസ് വനിതാ യൂണിയൻ ഭാരവാഹികളെ തിരഞ്ഞെടുത്തു. തിരഞ്ഞെടുപ്പ് യോഗത്തിൽ യൂണിയൻ പ്രസിഡന്റ് ആർ. ശ്യാംദാസ് അദ്ധ്യക്ഷത വഹിച്ചു. സെക്രട്ടറി കെ.ബി.ജയചന്ദ്രൻ തിരഞ്ഞെടുപ്പ് നടപടികൾക്ക് നേതൃത്വം നൽകി. യൂണിയൻ വൈസ് പ്രസിഡന്റ് കെ.കെ.ദിലീപ് കുമാർ, യൂണിയൻ കമ്മിറ്റി അംഗങ്ങളായ എൻ.പി.ജയൻ, കെ.ബി.വിജയകുമാർ എന്നിവർ പങ്കെടുത്തു. ഭാരവാഹികൾ: ജയ സോമൻ നെച്ചൂർ (പ്രസിഡന്റ്), നിർമ്മല ആനന്ദ് ( വൈസ് പ്രസിഡന്റ്), രാജി രാജഗോപാൽ (സെക്രട്ടറി), പി.സി.ബിന്ദു ( ജോയിന്റ് സെക്രട്ടറി), ശൈലജ ബി.നായർ (ട്രഷറർ).