വൈപ്പിൻ: മണ്ഡലത്തിലെ വിവിധ റോഡുകൾക്കായി ഭരണാനുമതി ലഭിച്ച അഞ്ചുകോടി രൂപയുടെ നബാർഡ് പദ്ധതിയിൽ പള്ളിപ്പുറം ഗ്രാമ പഞ്ചായത്തിലെ കോവിലകത്തുംകടവ് റോഡിനെയും ഉൾപ്പെടുത്തിയതായി കെ. എൻ. ഉണ്ണിക്കൃഷ്ണൻ എം.എൽ.എ അറിയിച്ചു. പദ്ധതിയിൽ പള്ളിപ്പുറം പഞ്ചായത്തിലെ എലിഞ്ഞാംകുളം തിരുമനാംകുന്ന് റോഡ്, വാർഡ് 17ലെ ബേക്കറി റോഡ്, എടവനക്കാട് പഞ്ചായത്തിലെ വാർഡ് അഞ്ചിലെ തെക്കേമേത്തറ റോഡ് എന്നിവ ഉൾപ്പെടുന്നു.

പള്ളിപ്പുറത്തെ ഏഴ്, എട്ട്, ഒൻപത്, പത്ത് വാർഡുകളെ തമ്മിൽ ബന്ധിപ്പിക്കുന്നതാണ് എലിഞ്ഞാംകുളം തിരുമനാംകുന്ന് റോഡ്. റോഡുകളുടെ പുനരുദ്ധാരണം, ആധുനികവത്കരണം, മറ്റ് അനുബന്ധ സൗകര്യങ്ങളൊരുക്കൽ എന്നിവയ്ക്കായാണ് തുക അനുവദിച്ചത്.