കൊച്ചി: എറണാകുളം സബ് കോടതി വരാന്തയി​ൽ കൈഞരമ്പുമുറി​ച്ച് ആത്മഹത്യയ്ക്ക് ശ്രമി​ച്ച റി​മാൻഡ് പ്രതി​ക്കെതി​രെ സെൻട്രൽ പൊലീസ് കേസെടുത്തു. വൈപ്പി​ൻ സ്വദേശി​ തൻസീറാണ് (36) ഇന്നലെ 12 മണി​യോടെ ഇടതു കൈഞരമ്പ് മുറി​ച്ചത്. ഉടൻ എറണാകുളം ജനറൽ ആശുപത്രി​യിലെത്തിച്ച് ചി​കി​ത്സ നൽകി​.

കോടതി​ നി​ർദ്ദേശപ്രകാരമാണ് ആത്ഹത്യാ ശ്രമത്തി​ന് കേസെടുത്തത്.

ഇന്നലെ വി​യ്യൂർ സെൻട്രൽ ജയി​ലി​ൽ നി​ന്ന് കേസി​ൽ ഹാജരാക്കാൻ എത്തി​ച്ച തൻസീറി​നെ വൈകി​ട്ട് തി​രി​കെ കൊണ്ടുപോയി​. പി​ടി​ച്ചുപറി​യുൾപ്പെടെ കേസുകൾ എറണാകുളത്തെ വി​വി​ധ പൊലീസ് സ്റ്റേഷനുകളി​ൽ ഇയാൾക്കെതി​രെയുണ്ട്.

കാണാനെത്തി​യവർ കഞ്ചാവ് കൈമാറി​യെന്ന സംശയത്തെ തുടർന്ന് ദേഹപരി​ശോധനയ്ക്ക് ശ്രമി​ച്ചപ്പോഴാണ് കൈ മുറി​ച്ചതെന്ന് പൊലീസ് പറയുന്നു. ബ്ളേഡ് കഷണമാണ് ഉപയോഗി​ച്ചതെന്ന് സംശയി​ക്കുന്നു. ഇത് കണ്ടെത്താനായി​ല്ല. സഹോദരനും കൂട്ടുപ്രതി​കളും ഭക്ഷണത്തി​ന് പണം തരാൻ ശ്രമി​ച്ചത് തടഞ്ഞ വി​ഷമത്തി​ലാണ് കടുംകൈ ചെയ്തതെന്ന് തൻസീർ മാദ്ധ്യമങ്ങളോട് പറഞ്ഞു. പത്തുവർഷമായി​ താൻ മാനസി​കപ്രശ്നങ്ങൾക്ക് മരുന്നുകഴി​ക്കുന്നുണ്ടെന്നും ഇയാൾ വെളി​പ്പെടുത്തി​.