കൊച്ചി: അബ്കാരിനിയമം കാലോചിതമായി പരിഷ്‌കരിക്കണമെന്ന് കേരള ടോഡി ഷോപ്പ് ലൈസൻസീസ് അസോസിയേഷൻ സംസ്ഥാന രക്ഷാധികാരിയും മുൻ എം.പിയുമായ ഡോ.സെബാസ്റ്റ്യൻ പോൾ ആവശ്യപ്പെട്ടു. കേരള ടോഡി ഷോപ്പ് ലൈസൻസീസ് അസോസിയേഷൻ ജില്ലാ സമ്മേളനം ആലുവ മഹാനാമി ഹോട്ടലിൽ ഉദ്ഘാടനം ചെയ്യുകയായിരുന്നു അദ്ദേഹം.

ജില്ലാ പ്രസിഡന്റ് കെ.ഡി.രാജരത്നം അദ്ധ്യക്ഷത വഹിച്ചു. ജില്ലാ സെക്രട്ടറി ജോമി പോൾ നെടുങ്കണ്ടത്തിൽ പ്രവർത്തന റിപ്പോർട്ട് അവതരിപ്പിച്ചു. സംസ്ഥാന പ്രസിഡന്റ് എം.എസ്. മോഹൻ ദാസ്, സെക്രട്ടറി വി.കെ. അജിത്ത് ബാബു, മനോജ് മണി, കെ.കെ. ഭഗീരഥൻ, ജോൺ ജോസഫ്, കെ. കൃഷ്ണൻകുട്ടി, കെ.എം. ജൂഡ് എന്നിവർ പ്രസംഗിച്ചു.