പെരുമ്പാവൂർ: ഐ.എസ്.ആർ.എ എറണാകുളം ചാപ്റ്ററിന്റെയും ഗുരുകുലം സ്റ്റഡി സർക്കിൾ എറണാകുളം ജില്ലാ സമിതിയുടെയും സംയുക്താഭിമുഖ്യത്തിൽ നാരായണ ഗുരുവിന്റെ മതദർശനത്തെ അടിസ്ഥാനമാക്കി മതസമന്വയ ദർശന സെമിനാർ തോട്ടുവ മംഗലഭാരതിയിൽ സംഘടിപ്പിക്കുന്നു. 29ന് രാവിലെ 10ന് സെമിനാർ നാരായണ ഗുരുകുലം റെഗുലേറ്റിംഗ് സെക്രട്ടറി സ്വാമി ത്യാഗീശ്വരൻ ഉദ്ഘാടനം ചെയ്യും. ഗുരുകുലം സ്റ്റഡിസർക്കിൾ ജനറൽ കൺവീനർ എം.എസ്. സുരേഷ് അദ്ധ്യക്ഷതവഹിക്കും. പലമത സാരവും ഏകം എന്ന വിഷയം റെയിൽനിഗം ലിമിറ്റഡ് ഡയറക്ടർ ഡോ. എം.വി. നടേശൻ അവതരിപ്പിക്കും. തോട്ടുവ മംഗലഭാരതി അദ്ധ്യക്ഷ സ്വാമിനി ജ്യോതിർമയി ഭാരതി അനുഗ്രഹ പ്രഭാഷണം നടത്തും. ഖുർആൻ അകമ്പൊരുൾ വ്യാഖ്യാതാവ് സി.എച്ച്. മുസ്തഫ മൗലവി, ഗുരുകുലം സ്റ്റഡി സർക്കിൾ ജില്ലാ അദ്ധ്യക്ഷൻ പി.ആർ. ശ്രീകുമാർ, ഷഫീഖ് മൗലവി, നസീർ ബാഖവി, സമീർ ഹുദവി, അയൂബ് മൗലവി, ഐ.എസ്.ആർ.എ പ്രോഗ്രാം കോ ഓർഡിനേറ്റർ കെ.എം. അഷ്റഫ്‌, ജയരാജ്‌ ഭാരതി, കെ.പി. ലീലാമണി, ഗുരുധർമ്മ പ്രചാരണസഭ ജില്ലാ സെക്രട്ടറി എം.ബി. രാജൻ, ഗുരുകുലം സ്റ്റഡി സർക്കിൾ ജില്ലാ കൺവീനർ സി.എസ്. പ്രതീഷ്, കുന്നത്തുനാട് താലൂക്ക് അദ്ധ്യക്ഷ ഡോ. ബിന്ദു അരുൺ എന്നിവർ സംസാരിക്കും.

നാൽപതോളം ഇസ്ലാമിക പണ്ഡിതരും മറ്റ് പ്രമുഖ വ്യക്തികളും സെമിനാറിൽ പങ്കെടുക്കും. ആചാര്യ പുരസ്‌കാരം ലഭിച്ച സി.എച്ച്. മുസ്തഫ മൗലവി, ഡോ. എം.വി. നടേശൻ എന്നിവരെ യോഗത്തിൽ ആദരിക്കും.