കുറുപ്പംപടി: എസ്.എൻ.ഡി.പി യോഗം കുന്നത്തുനാട് യൂണിയന് കീഴിലെ സൈബർ സേനയുടെ നേതൃത്വത്തിൽ അടുത്ത ഒരുവർഷം നടപ്പാക്കുന്ന പദ്ധതികളുടെ ഉദ്ഘാടന പരിപാടിയായ കാഴ്ച 2022 നാളെ വൈകിട്ട് മൂന്ന് മണിക്ക് യൂണിയൻ ഹാളിൽ നടക്കും. യൂണിയൻ അഡ്മിനിസ്ട്രേറ്റീവ് കമ്മിറ്റി ചെയർമാൻ കെ.കെ. കർണ്ണൻ ഉദ്ഘാടനം ചെയ്യും. സൈബർസേന യൂണിയൻ ചെയർമാൻ മോഹൻകുമാർ അദ്ധ്യക്ഷത വഹിക്കും.

ശ്രീനാരായണഗുരുദേവ ജയന്തിയോടനുബന്ധിച്ച് എസ്.എൻ.ഡി.പി യോഗം കുന്നത്തുനാട് യൂണിയൻ സൈബർ സേനയുടെ നേതൃത്വത്തിൽ നടത്തിയ ഫോട്ടോഷൂട്ട് മത്സരത്തിൽ വിജയികളായവർക്കുള്ള സമ്മാനദാനം യൂണിയൻ അഡ്മിനിസ്ട്രേറ്റീവ് കമ്മിറ്റി കൺവീനർ ഹരി വിജയൻ, നിർവഹിക്കും. സൈബർസേന കേന്ദ്രസമിതി ചെയർമാൻ അനീഷ് പുല്ലുവേലി മുഖ്യപ്രഭാഷണം നടത്തും. യൂണിയൻ അഡ്മിനിസ്ട്രേറ്റീവ് കമ്മിറ്റി ഭാരവാഹികളായ ടി.എൻ.സദാശിവൻ, ബിജു വിശ്വനാഥൻ, ടി.കെ. ബാബു, പെൻഷനേഴ്‌സ് കൗൺസിൽ കേന്ദ്രസമിതി സെക്രട്ടറി കെ.എം. സജീവ്, സൈബർസേന കേന്ദ്ര സമിതി വൈസ് ചെയർമാൻ എം.കെ. ചന്ദ്രബോസ്, സൈബർസേന ജില്ലാ ചെയർമാൻ അജേഷ് തട്ടേക്കാട്, യൂത്ത് മൂവ്മെന്റ് യൂണിയൻ ചെയർമാൻ എം.കെ.സുബിൻ, വനിതാ സംഘം യൂണിയൻ പ്രസിഡന്റ് മോഹിനി വിജയൻ, സെക്രട്ടറി സജിനി അനിൽ, വൈദിക സംഘം സെക്രട്ടറി ടി.വി. ഷിബു ശാന്തി, ജയൻ എൻ. ശങ്കരൻ, സൈബർ സേന ജില്ലാ കമ്മിറ്റി അംഗം വി.എസ്. വേലു, ശാഖാ ഭാരവാഹികൾ, പോഷക സംഘടന പ്രവർത്തകർ തുടങ്ങിയവർ പങ്കെടുക്കും.