ചോറ്റാനിക്കര: എസ്.എൻ.ഡി.പി യോഗം കെ.ആർ. നാരായണൻ സ്മാരക യൂണിയൻ വനിതാ സംഘത്തിന്റെ നേതൃത്വത്തിൽ ലഹരി -മയക്കുമരുന്ന് ഉപയോഗത്തിനും അന്ധവിശ്വാസത്തിനും അനാചാരങ്ങൾക്കും എതിരെ ജനജാഗ്രത സദസ് സംഘടിപ്പിച്ചു. തലയോലപ്പറമ്പ് പഞ്ചായത്ത്‌ പ്രസിഡന്റ്‌ എൻ.ഷാജിമോൾ ഉദ്ഘാടനം ചെയ്തു. വനിതാ സംഘം യൂണിയൻ പ്രസിഡന്റ്‌ ജയ അനിൽ അദ്ധ്യക്ഷത വഹിച്ചു. യൂണിയൻ പ്രസിഡന്റ്‌ ഇ.ഡി.പ്രകാശൻ, യൂണിയൻ സെക്രട്ടറി എസ്.ഡി.സുരേഷ് ബാബു, വനിതാ സംഘം സെക്രട്ടറി ധന്യാ പുരുഷോത്തമൻ, ചെമ്പ് ഗ്രാമ പഞ്ചായത്ത്‌ സി.ഡി.എസ് ചെയർപേഴ്സൺ സുനിത അജിത്‌, പി.കെ.വേണുഗോപാൽ, കെ.എസ്.അജീഷ് കുമാർ, യു.എസ്.പ്രസന്നൻ, രാജിദേവരാജൻ, ഓമനരാമകൃഷ്ണൻ, ആശ അനീഷ്, സലിജ അനിൽകുമാർ, വൽസമോഹനൻ, വി.ആർ.ശ്രീകല. വൈസ് പ്രസിഡന്റ്‌ ബീനാ പ്രകാശ് എന്നിവർ സംസാരിച്ചു.