കൊച്ചി: ഇന്ത്യൻ അസോസിയേഷൻ ഒഫ് ഡെർമറ്റോളജിസ്റ്റ്, വെനറോളജിസ്റ്റ് ലെപ്രോളജിസ്റ്റ് കേരള (ഐ.എ.ഡി.വി.എൽ)യുടെ സുവർണ ജൂബിലി വർഷ സമ്മേളനം ക്യൂട്ടിക്കോൺ കേരള 2022 സമാപിച്ചു. മൂന്ന് ദിവസം നീണ്ട സമ്മേളനത്തിൽ ചർമ്മ ആരോഗ്യത്തെ ബാധിക്കുന്ന മാനസിക സമ്മർദ്ദവും രോഗങ്ങളുമായിരുന്നു ചർച്ചാ വിഷയം.

മുഖക്കുരു, മുടികൊഴിച്ചിൽ,​ എക്‌സിമ, സോറിയാസിസ് തുടങ്ങിയ ചർമ്മ രോഗങ്ങളിലേക്ക് നയിക്കുന്നതിനും അവയെ വഷളാക്കുന്നതിനും വിട്ടുമാറാത്ത മാനസിക പിരിമുറുക്കം കാരണമാകുമെന്ന് ഐ.എഡി.വി.എൽ ദേശീയ അദ്ധ്യക്ഷ ഡോ. രശ്മി സർക്കാർ പറഞ്ഞു. ഡോ.കെ.ബി.അനുരാധ, ഡോ. എം.എം. ഫൈസൽ, ഡോ. ഗോപീകൃഷ്ണൻ ആഞ്ജനേയൻ, ഡോ.മുഹമ്മദ് എന്നിവർ സംസാരിച്ചു.