കോലഞ്ചേരി: തിരുവാണിയൂർ - പറമ്പാത്തുപടി - പിറവം റോഡിൽ ചതിക്കുഴികൾ വർദ്ധിച്ചു. പൊതുമരാമത്തുവകുപ്പ് ആറുവർഷംമുമ്പ് ബി.എംബി.സി നിലവാരത്തിൽ ടാർചെയ്ത റോഡാണിത്. തിരുവാണിയൂർ തിയേ​റ്റർപടി, ലക്ഷംവീട് കോളനിപ്പടി, പഴുക്കാമ​റ്റം, പള്ളിപ്പടി തുടങ്ങിയ സ്ഥലങ്ങളിലാണ് കുഴികൾ കൂടുതൽ അപകടമുണ്ടാക്കുന്നത്. സ്ഥിരമായി യാത്രചെയ്യുന്ന ഇരുചക്രവാഹന യാത്രക്കാർപോലും രാത്രികാലങ്ങളിൽ അപകടത്തിൽപ്പെടുന്നുണ്ട്. മഴപെയ്താൽ കുഴിയിൽ വെള്ളംനിറയുന്നതോടെ കുഴിയുടെ ആഴം മനസിലാക്കാതെയാണ് വാഹനങ്ങൾ അപകടത്തിൽപ്പെടുന്നത്.

ടാറിട്ടതിനുശേഷം അ​റ്റകു​റ്റപ്പണി റോഡിൽ നടത്തിയിട്ടില്ലെന്നും എത്രയുംവേഗം കുഴികളടയ്ക്കുവാൻ നടപടിയെടുക്കണമെന്നും യാത്രക്കാർ ആവശ്യപ്പെട്ടു.