കോലഞ്ചേരി: പത്താംമൈൽ ഇൻഫിനി​റ്റോ എഫ്.സിയും പബ്ലിക് ലൈബ്രറിയും സംയുക്തമായി ഫോർസ് കട് പോസ്​റ്റ് ഫുട്‌ബാൾ ടൂർണമെന്റ് സംഘടിപ്പിച്ചു. ജില്ലയിലെ 32 ക്ളബുകൾ പങ്കെടുത്തു. ചാമ്പ്യൻസ് എവർ റോളിംഗ് ട്രോഫി പഴന്തോട്ടം റേഞ്ചേഴ്‌സ് ക്ളബും എറണാകുളം വിസി​റ്റ് ക്ളബ് റണ്ണർ അപ്പുമായി. ആലപ്പുഴ ക്രൈംബ്രാഞ്ച് ഡിവൈ.എസ്.പി വി.ടി. ഷാജൻ സമ്മാനദാനം നടത്തി. വായനശാല സെക്രട്ടറി ജോൺ ജോസഫ്, ക്ളബ് ഭാരവാഹികളായ എൻ.എൻ. രാജൻ, രോഹിത് നീലകണ്ഠൻ, ശിവ് സജയൻ, അക്ഷയ് രാജ്, ജസ്​റ്റിൻ പോൾ, സനിൽ വേലായുധൻ തുടങ്ങിയവർ സംസാരിച്ചു.