കാലടി: സംസ്കൃത സർവകലാശാല മുൻ വൈസ് ചാൻസലറും സംസ്കൃത സാഹിത്യവിഭാഗം തലവനുമായിരുന്ന ഡോ. ധർമ്മരാജ് അടാട്ടിന്റെ പേരിൽ രൂപീകരിച്ച എൻഡോവ്മെന്റ് പ്രഥമ പ്രഭാഷണം ഇന്ന് രാവിലെ 10ന് മുൻ വിദ്യാഭ്യാസ മന്ത്രി എം. എ. ബേബി നിർവഹിക്കും. ഇന്ത്യൻ ഭരണഘടനയുടെ ആമുഖം: ദർശനവും പ്രസക്തിയും എന്നതാണ് വിഷയം. കാലടി മുഖ്യകാമ്പസിലെ സെമിനാർ ഹാളിൽ സംഘടിപ്പിക്കുന്ന ചടങ്ങിൽ വൈസ് ചാൻസലർ പ്രൊഫ. എം. വി. നാരായണൻ ഉദ്ഘാടനം ചെയ്യും. ഡോ. ധർമ്മരാജ് അടാട്ട് രചിച്ച പുസ്തകങ്ങളുടെ പ്രകാശനം എം. എ. ബേബി നിർവഹിക്കും. പ്രോ വൈസ് ചാൻസല‍ർ പ്രൊഫ. കെ. മുത്തുലക്ഷ്മി, രജിസ്ട്രാർ ഡോ. എം. ബി. ഗോപാലകൃഷ്ണൻ എന്നിവർ പുസ്തകങ്ങൾ ഏറ്റുവാങ്ങും. സംസ്കൃതസാഹിത്യവിഭാഗം മേധാവി ഡോ. കെ.ആർ. അംബിക അദ്ധ്യക്ഷയാകും. ഡോ. ധർമ്മരാജ് അടാട്ട്, ഡോ. ടി. മിനി, ഡോ. കെ.എൽ. പത്മദാസ് എന്നിവർ സംസാരിക്കും.