ഇടുക്കി: മുരിക്കാട്ടുകുടി ഗവ.ട്രൈബൽ ഹയർ സെക്കന്ററി സ്‌കൂളിൽ പൊതു വിദ്യാഭ്യാസ വകുപ്പിന്റെ കീഴിലുള്ള സ്‌കൂൾ സോഷ്യൽ സർവീസ് സ്‌കീംഉദ്ഘാടനം അഡ്വ. ഡീൻ കുര്യാക്കോസ് എംപി നിർവഹിച്ചു.ജില്ലയിൽ ഹൈസ്‌കൂൾ വിഭാഗത്തിൽസ്‌കൂൾ സോഷ്യൽ സർവീസ് സ്‌കീം അനുവദിച്ച രണ്ടു സ്‌കൂളുകളിൽ ഒന്ന് മുരിക്കാട്ടുകുടി സ്‌കൂൾ ആണ്. ആദ്യഘട്ടത്തിൽ എട്ടാം ക്ലാസ്സിലെ മുപ്പത് കുട്ടികളാണ് സ്‌കീമിൽ ഉൾപ്പെടുന്നത്. സ്‌കീമിന്റെ കർമ്മപദ്ധതി ജില്ലാ പഞ്ചായത്ത് സ്റ്റാന്റിംഗ് കമ്മറ്റി അദ്ധ്യക്ഷ ആശ ആന്റണിപ്രകാശനം ചെയ്തു. ശുചിത്വം, മാലിന്യ സംസ്‌കരണം, ലഹരിമുക്ത, ആരോഗ്യ, ജീവകാരുണ്യ, ജൈവ പരിസ്ഥിതി പ്രവർത്തനങ്ങളാണ്‌നടപ്പാക്കുന്നത്. ലിൻസി ജോർജാണ് സ്‌കൂൾ കോ-ഓർഡിനേറ്റർ.
ഗ്രാമപഞ്ചായത്ത് പ്രസിഡന്റ് സുരേഷ് കുഴിക്കാട്ട്, സ്റ്റാന്റിംഗ് കമ്മറ്റി അദ്ധ്യക്ഷ തങ്കമണി സുരേന്ദ്രൻ, അംഗങ്ങളായ ജോമോൻ തെക്കേൽ, റോയ് എവറസ്റ്റ്, ബ്ലോക്ക് പഞ്ചായത്ത് സ്റ്റാന്റിംഗ് കമ്മറ്റി അദ്ധ്യക്ഷ ജലജ വിനോദ്, സ്‌കൂൾ പ്രിൻസിപ്പൽ സിന്ധു എസ്. നായർ, ഹെഡ്മാസ്റ്റർ ശിവകുമാർ പി. പി ,പിടിഎ പ്രസിഡന്റ് പ്രിൻസ് മറ്റപ്പള്ളി തുടങ്ങിയവർ ചടങ്ങിൽ പങ്കെടുത്തു.