തൊടുപുഴ: ഗവ. നഴ്‌സസ്സ് അസോസിയേഷനും കേരള ഗവ.സ്റ്റുഡന്റ് നേഴ്‌സസ്സ് അസോസിയേഷൻ ജില്ലാ കമ്മറ്റിയും ചേർന്ന് തൊടുപുഴയിൽ ലഹരി വിരുദ്ധ സെമിനാറും ബോധവൽക്കരണ ഫ്‌ളാഷ് മോബും സംഘടിപ്പിച്ചു. സെമിനാർ ഡെപ്യൂട്ടി എക്‌സൈസ് കമ്മീഷണർ വി.എ.സലീം ഉദ്ഘാടനം ചെയ്തു. കെ.ജി.എൻ.എ ജില്ലാ പ്രസിഡന്റ് ഷീമോൾ പി.കെ. അദ്ധ്യക്ഷയായി. ജില്ലാ ആശുപത്രി സൂപ്രണ്ട് ഡോ. അജി.പി.എൻ ലഹരി വിരുദ്ധ പ്രതിജ്ഞയും സന്ദേശവും നൽകി. ജില്ലാ ആശുപത്രി സൈക്യാട്രിസ്റ്റ് ഡോ.രമേഷ് ചന്ദ്രൻ, രജനി എം.ആർ, നിതിൻ പ്രസാദ്, ഷൈല കെ.എച്ച്, സീമ.സി.കെ, രാഹുൽ രാജ്, എന്നിവർ പ്രസംഗിച്ചു. സ്വകാര്യ ബസ്റ്റാന്റ് പരിസരത്ത് മുട്ടം ഗവ. നഴ്‌സിംഗ് സ്‌കൂളിലെ വിദ്യാർത്ഥികൾ ഫ്‌ളാഷ് മോബും അവതരിപ്പിച്ചു