കട്ടപ്പന:സംസ്ഥാന യുവജനക്ഷേമ ബോർഡ് വിവിധ തദ്ദേശ സ്വയംഭരണ സ്ഥാപനങ്ങൾ, സർക്കാർ വകുപ്പുകൾ, യൂത്ത് ക്ലബുകളുടെ സഹകരണത്തോടെ നടത്തുന്ന കേരളോത്സവത്തിന്റെ നടത്തിപ്പിനായി കട്ടപ്പന നഗരസഭയിൽ നഗരസഭ അധ്യക്ഷ ഷൈനി സണ്ണി ചെറിയാന്റെ അധ്യക്ഷതയിൽ സംഘാടക സമിതി യോഗം ചേർന്നു.

. കട്ടപ്പന നഗരസഭയിൽ നവംബർ 6, 8,9 തീയതികളിലാണ് കേരളോത്സവം നടക്കുന്നത്. ഫുട്‌ബോൾ മത്സരം ഇന്ന് ഉച്ചയ്ക്ക് 1.30 ന് ആരംഭിക്കും. ഉച്ചയ്ക്ക് 12 വരെ രജിസ്‌ട്രേഷൻ സൗകര്യം ഉണ്ടായിരിക്കും. ഉദ്ഘാടനം നവംബർ 8 ന് രാവിലെ 8.30 ന് നഗരസഭ കോൺഫറൻസ് ഹാളിൽ നടക്കും. മത്സരങ്ങളുടെ നടത്തിപ്പിന് വിവിധ കമ്മറ്റികൾ രൂപീകരിച്ചു.

ക്രിക്കറ്റ്, ഫുട്‌ബോൾ, വോളിബോൾ, ഷട്ടിൽ, ലോങ് ജമ്പ്, 100, 200, 800 മീറ്റർ ഓട്ടം 400 മീറ്റർ റിലേ തുടങ്ങിയ കായിക മത്സരങ്ങളും വിവിധ കലാ മത്സരങ്ങളും സംഘടിപ്പിക്കുന്നുണ്ട്. ഫുട്‌ബോൾ ഒഴികെയുള്ള മറ്റു മത്സരങ്ങളുടെ രജിസ്‌ട്രേഷൻ 7 ന് വൈകിട്ട് 5 വരെ ഉണ്ടാകും.

യോഗത്തിൽ വൈസ് ചെയർമാൻ ജോയി ആനിതോട്ടം, ജനപ്രതിനിധികൾ, ഉദ്യോഗസ്ഥർ, രാഷ്ട്രീയസാംസ്‌കാരിക പ്രവർത്തകർ, യുവജന സംഘടനാ പ്രതിനിധികൾ, യൂത്ത് ക്ലബ് ഭാരവാഹികൾ തുടങ്ങിയവർ പങ്കെടുത്തു.