ഇടുക്കി: എസ്.എൻ.ഡി.പി യോഗം ഇടുക്കി യൂണിയന്റെ നേതൃത്വത്തിൽ 12, 13 ദിവസങ്ങളിൽ പ്രീ മാര്യേജ്‌ കോഴ്‌സ് നടത്തുമെന്ന് യൂണിയൻ സെക്രട്ടറി സുരേഷ് കോട്ടയ്ക്കകത്ത് അറിയിച്ചു. യൂണിയൻ ഓഡിറ്റോറിയത്തിൽ നടത്തുന്ന പരിപാടി 12ന് രാവിലെ 9.30ന് പ്രസിഡന്റ് പി. രാജൻ ഉദ്ഘാടനം ചെയ്യും. വൈസ് പ്രസിഡന്റ് അഡ്വ. കെ.ബി. സെൽവം അദ്ധ്യക്ഷത വഹിക്കും. യോഗം ഡയറക്ടർ സി.പി. ഉണ്ണി, മനേഷ് കുടിക്കയത്ത്, ജോബി കണിയാംകുടി,​ മഹേന്ദ്രൻ ശാന്തികൾ എന്നിവർ പ്രസംഗിക്കും.
വിവിധ വിഷയങ്ങളിൽ മാത്യു കോട്ടൂർ, റെജി കുമാർ, വത്സമ്മ ടീച്ചർ എന്നിവർ ക്ലാസുകൾ നയിക്കും. രണ്ടാം ദിവസം 13ന് രണ്ട് മണി മുതൽ മാതാപിതാക്കൾ കൂടി പങ്കെടുക്കണം. 3.30ന് നടക്കുന്ന സമാപന സമ്മേളനം യൂണിയൻ സെക്രട്ടറി സുരേഷ്‌ കോട്ടയ്ക്കകത്ത് ഉദ്ഘാടനം ചെയ്യും. അനീഷ് പച്ചിലാംകുന്നേൽ, കെ.എസ്. ജിസ്, ഷാജി പുലിയാമറ്റം, പി.എൻ. സത്യൻ, ജോമോൻ കണിയാംകുടി,​ വിഷ്ണു രാജു, ഷീല രാജീവ്, മിനി സജി, പ്രീത ബിജു എന്നിവർ പ്രസംഗിക്കും.