തൊടുപുഴ:സംസ്ഥാന ജീവനക്കാർക്കും അദ്ധ്യാപകർക്കും കുടിശ്ശികയായ നാല് ഗഡു ക്ഷാമബത്തയും ഗ്രൂപ്പ് ഡി, പാർട്ട്‌ടൈം സ്വീപ്പർ ഒഴികെയുള്ള ജീവനക്കാർക്ക് ലഭിക്കാനുള്ള ലീവ് സറണ്ടർ ആനുകൂല്യവും അനുവദിക്കണമെന്ന് ആവശ്യപ്പെട്ട്‌കൊണ്ട് ജീവനക്കാരും അദ്ധ്യാപകരും എഫ് എസ് ഇ ടി ഒ നേതൃത്വത്തിൽ തൊടുപുഴ സിവിൽ സ്റ്റേഷനിൽ പ്രകടനം നടത്തി. തൊടുപുഴ സിവിൽ സ്റ്റേഷനിൽ പ്രകടനത്തിന് ശേഷം ചേർന്ന യോഗം എൻ.ജി.ഒ യൂണിയൻ ജില്ലാ പ്രസിഡന്റ് കെ കെ പ്രസുഭകുമാർ ഉദ്ഘാടനം ചെയ്തു. എഫ് എസ് ഇ ടി ഒ ജില്ലാ സെക്രട്ടറി സി എസ് മഹേഷ്,കെ ജി ഒ എ ജില്ലാ സെക്രട്ടറി റോബിൻസൺ പി ജോസ്,കെ എസ് ടി എ ജില്ലാ ട്രഷറർ എം ആർ അനിൽകുമാർ,ജില്ലാ ജോ. സെക്രട്ടറി കെ എ ബിനുമോൻ, കെ എം സി എസ് യു സംസ്ഥാന കമ്മിറ്റി അംഗം വി എസ് എം നസീർ എന്നിവർ പ്രസംഗിച്ചു.