ഇടുക്കി: പട്ടികജാതി വികസന വകുപ്പിന്റെ മെഡിക്കൽ/എഞ്ചിനിയറിംഗ് എൻട്രൻസ് പരിശീലന പദ്ധതി പ്രകാരം പ്ളസ്ടു പാസായ പട്ടികജാതി വിദ്യാർത്ഥികളിൽ നിന്നും മെഡിക്കൽ/എഞ്ചിനിയറിംഗ്‌കോഴ്‌സുകൾക്ക് പ്രവേശനത്തിന് കോച്ചിംഗ് നൽകുന്നതിന് അപേക്ഷകൾ ക്ഷണിച്ചു. പട്ടികജാതി വിഭാഗത്തിൽപ്പെട്ട വിദ്യാർത്ഥികളിൽ കെമിസ്ട്രി, ഫിസിക്‌സ്, ബയോളജി, കണക്ക്, ഇംഗ്ലീഷ് എന്നീ വിഷയങ്ങളിൽ ബി പ്ളസിൽ കുറയാത്ത ഗ്രേഡ് വാങ്ങി പാസായവരും കുടുംബ വാർഷിക വരുമാനം 6 ലക്ഷം രൂപയിൽ കവിയാത്തവരുമായവർക്ക് അപേക്ഷിക്കാം.
നിശ്ചിത മാതൃകയിലുള്ള അപേക്ഷ, വിദ്യാർത്ഥിയുടെ ജാതി സർട്ടിഫിക്കറ്റ്, രക്ഷകർത്താവിന്റെ കുടുംബ വാർഷിക വരുമാന സർട്ടിഫിക്കറ്റ്, എസ്.എസ്.എൽ.സി., പ്ലസ്ടു സർട്ടിഫിക്കറ്റിന്റെ സ്വയം സാക്ഷ്യപ്പെടുത്തിയ പകർപ്പ്, പരിശീലന സ്ഥാപനത്തിൽചേർന്ന സർട്ടിഫിക്കറ്റ്, ഫീസ് അടച്ച തെളിവ്, വിദ്യാത്ഥിയുടെ ബാങ്ക് അക്കൗണ്ടിന്റെ പകർപ്പ്, ആധാർകോപ്പി, ബന്ധപ്പെട്ടഫോൺ നമ്പർ എന്നിവ സഹിതം നവംബർ 25നകം കളക്ട്രേറ്റിൽ പ്രവർത്തിക്കുന്ന ജില്ലാ പട്ടികജാതി വികസന ഓഫീസിൽ അപേക്ഷ സമർപ്പിക്കണം. കൂടുതൽ വിവരങ്ങൾ ജില്ലാ /ബ്ലോക്ക് പട്ടികജാതി വികസന ഓഫീസുകളിൽ നിന്നും ലഭിക്കും. ഫോൺ: 04862296297. email : idkegrantz@gmail.com