 വോട്ടെണ്ണൽ ഇന്ന് രാവിലെ 10 മുതൽ

ഇടുക്കി: ജില്ലയിലെ വിവിധ തദ്ദേശസ്ഥാപനങ്ങളിൽ നടത്തിയ ഉപതിരഞ്ഞെടുപ്പിൽ ആകെ 66.69 ശതമാനം പേർ വോട്ട് രേഖപ്പെടുത്തി. ഇളംദേശം ബ്ലോക്ക് പഞ്ചായത്ത് വണ്ണപ്പുറം വാർഡ്- 62.78 %, ശാന്തൻപാറ ഗ്രാമപഞ്ചായത്ത് വാർഡ് 10 തൊട്ടിക്കാനം- 72.23 %, കഞ്ഞിക്കുഴി ഗ്രാമപഞ്ചായത്ത് വാർഡ് 18 പൊന്നെടുത്താൽ- 75.53 %, കരുണാപുരം ഗ്രാമപഞ്ചായത്ത് വാർഡ് 16 കുഴിക്കണ്ടം- 76.38 % എന്നിവയാണ് വാർഡുകൾ തിരിച്ചുള്ള പോളിംഗ് ശതമാനം. വോട്ടെണ്ണൽ ഇന്ന് രാവിലെ 10 മുതൽ ആരംഭിക്കും. ഇളംദേശം ബ്ലോക്ക് പഞ്ചായത്ത് വാർഡ് 01 ലെ വോട്ടെണ്ണൽ ഇളംദേശം കലയന്താനി ബ്ലോക്ക് പഞ്ചായത്ത് ഹാളിലും, ശാന്തമ്പാറ ഗ്രാമപഞ്ചായത്ത് വാർഡ് 10 ലെ വോട്ടെണ്ണൽ ശാന്തൻപാറ പഞ്ചായത്ത് കമ്മ്യൂണിറ്റി ഹാളിലും നടത്തും. ഇടുക്കി കഞ്ഞിക്കുഴി ഗ്രാമപഞ്ചായത്ത് വാർഡ് 18ലെ വോട്ടെണ്ണൽ പൈനാവ് മോഡൽ റസിഡൻഷ്യൽ സ്‌കൂളിലായിരിക്കും. കരുണാപുരം ഗ്രാമപഞ്ചായത്ത് വാർഡ് 16ലെ വോട്ടെണ്ണൽ നെടുങ്കണ്ടം സെന്റ് സെബാസ്റ്റ്യൻസ് ഹയർസെക്കൻഡറി സ്‌കൂളിലുമാണ്. ഇളംദേശം ബ്ലോക്ക് പഞ്ചായത്തിൽ 12 ബൂത്തുകളും ശാന്തമ്പാറ,​ കഞ്ഞിക്കുഴി,​ കരുണാപുരം ഗ്രാമപഞ്ചായത്തുകളിൽ രണ്ട് വീതം ബൂത്തുകളടക്കം ആകെ 18 ബൂത്തുകളാണുള്ളത്.