ഇടുക്കി: ജില്ലാ ലീഗൽ സർവീസസ് അതോറിറ്റിയുടെ നേതൃത്വത്തിൽ സംഘടിപ്പിച്ച ലോക് അദാലത്തിൽ 3074 കേസുകൾ തീർപ്പാക്കി. ജില്ലയിലെ മജിസ്ട്രേറ്റ് കോടതികളിൽ കെട്ടിക്കിടന്ന പിഴ ഒടുക്കിത്തീർക്കാവുന്ന 2352 കേസുകൾ,3870200 രൂപയുടെ എം.എ.സി.റ്റി കേസുകൾ, മറ്റു വിവിധ കേസുകൾ എന്നിവയിലൂടെ 21,63,45,533 രൂപയുടെ വ്യവഹാരങ്ങളാണ് തീർപ്പാക്കിയത്. ജില്ലാ ജഡ്ജി ശശി കുമാർ പി .എസ് ,ജില്ലാ നിയമ സേവന അതോറിറ്റി സെക്രട്ടറിയും സബ് ജഡ്ജുമായ സിറാജുദ്ദീൻ പി .എ എന്നിവർ അദാലത്തിന് നേതൃത്വം നൽകി. അദാലത്തിന്റെ ഭാഗമായി ജില്ലയിലെ മജിസ്ട്രേറ്റ് കോടതികളിൽ പിഴയടച്ച് തീർക്കാവുന്ന കേസുകൾക്കായി സ്പെഷ്യൽ സിറ്റിംഗും ഏർപ്പെടുത്തിയിരുന്നു.