പീരുമേട്: മണ്ഡല- മകരവിളക്ക് മഹോത്സവത്തോടനുബന്ധിച്ച് ജില്ലയിലെ വെജിറ്റേറിയൻ ഹോട്ടലുകളിലെ ഭക്ഷണവില നിശ്ചയിച്ച് ജില്ലാ കളക്ടർ ഉത്തരവിറക്കി. ഭക്ഷണസാധനങ്ങൾക്ക് വില നിശ്ചയിക്കുന്നതുമായി ബന്ധപ്പെട്ട് വെജിറ്റേറിയൻ ഹോട്ടൽ വ്യാപാരി പ്രതിനിധികളുടെ യോഗം പീരുമേട് താലൂക്ക് സപ്ലൈ ഓഫീസറുടെ അദ്ധ്യക്ഷതയിൽ പീരുമേട് താലൂക്ക് സപ്ലൈ ഓഫീസിൽ ചേർന്നു. കോട്ടയം, പത്തനതിട്ട ജില്ലകളിലെ വിലനിർണ്ണയവും ജില്ലയിലെ വിലനിലവാരവും പരിഗണിച്ചാണ് ജില്ലയിലെ ഹോട്ടലുകൾ, ബേക്കറികൾ എന്നിവിടങ്ങളിലെ വെജിറ്റേറിയൻ ഭക്ഷണ പദാർത്ഥങ്ങളുടെ വില നിശ്ചയിച്ചത്. പുതുക്കിയ വിലവിവര പട്ടിക ജില്ലയിലെ എല്ലാ ഹോട്ടലുകളിലും റസ്റ്റോറന്റുകളിലും പ്രദർശിപ്പിക്കണം. ആഹാരസാധനങ്ങളുടെ ഗുണനിലവാരം ഉറപ്പാക്കാൻ അസി. ഭക്ഷ്യസുരക്ഷാ കമ്മിഷണർക്കും വിലവിവരം ഹോട്ടലുകളിൽ പ്രദർശിപ്പിച്ചിട്ടുണ്ടെന്ന് ഉറപ്പ് വരുത്തുന്നതിന് താലൂക്ക് സപ്ലൈ ഓഫീസർമാർക്കും ആഹാരസാധനങ്ങളുടെ അളവും തൂക്കവും ഉറപ്പ് വരുത്തുന്നതിന് ലീഗൽ മെട്രോളജി ഡെപ്യൂട്ടി കൺട്രോളർക്കും കളക്ടർ നിർദേശം നൽകി.

ഭക്ഷണ സാധനങ്ങളും വിലയും
കുത്തരി ഊണ് (എട്ട് കൂട്ടം)- 67 രൂപ
ആന്ധ്രാ ഊണ് (പൊന്നി അരി)- 68 രൂപ
കഞ്ഞി(അച്ചാറും പയറും ഉൾപ്പെടെ )- 33 രൂപ
ചായ- 10 രൂപ
മധുരമില്ലാത്ത ചായ- 10 രൂപ
കാപ്പി- 10 രൂപ
മധുരമില്ലാത്ത കാപ്പി- 9 രൂപ
ബ്രൂകാപ്പി അല്ലെങ്കിൽ നെസ് കോഫി- 15 രൂപ
കട്ടൻ കാപ്പി- 9 രൂപ
മധുരമില്ലാത്ത കട്ടൻ കാപ്പി- 7 രൂപ
കട്ടൻ ചായ- 9 രൂപ
ഇടിയപ്പം- 10 രൂപ
ദോശ- 10 രൂപ
ഇഡ്ഡലി- 10 രൂപ
പാലപ്പം- 10 രൂപ
ചപ്പാത്തി- 10 രൂപ
3 ചപ്പാത്തി (കുറുമ ഉൾപ്പടെ)- 55 രൂപ
പൊറോട്ട- 10 രൂപ
നെയ്‌ റോസ്റ്റ്- 40 രൂപ
പ്ലെയിൻ നെയ്‌റോസ്റ്റ്- 35 രൂപ
മസാല ദോശ- 50 രൂപ
പൂരിമസാല സെറ്റ് (2 എണ്ണം)- 35 രൂപ
മിക്‌സഡ് വെജിറ്റബിൾ- 25 രൂപ
പരിപ്പുവട, ഉഴുന്നുവട- 10 രൂപ
കടലക്കറി- 30 രൂപ
ഗ്രീൻപീസ് കറി- 30 രൂപ
കിഴങ്ങ് കറി- 30 രൂപ
തൈര് (ഒരു കപ്പ്)- 15 രൂപ
കപ്പ- 30 രൂപ
ബോണ്ട- 10 രൂപ
ഉള്ളിവട- 10 രൂപ
ഏത്തക്ക അപ്പം- 12 രൂപ
ബജി- 10 രൂപ
ഉപ്പുമാവ്- 23 രൂപ
വെജിറ്റബിൾ ബിരിയാണി- 67 രൂപ
തൈര് സാദം- 47 രൂപ
ലെമൺ റൈസ്- 65 രൂപ
ഒനിയൻ ഊത്തപ്പം- 52 രൂപ
ദാൽ കറി- 23 രൂപ
പായസം- 13 രൂപ
നാരങ്ങവെള്ളം- 15 രൂപ
സോഡാ നാരങ്ങാവെള്ളം- 20 രൂപ
മിൽമ ഉത്പന്നങ്ങൾ- എം. ആർ.പി. വില