കട്ടപ്പന :ബഫർ സോൺ പ്രശ്‌നത്തിൽ പരിഹാരം കാണാൻ കേന്ദ്ര സംസ്ഥാന സർക്കാരുകൾ നടപടി സ്വീകരിക്കണമെന്നും ഇടുക്കി ജില്ലയിലെ നിർമ്മാണ നിരോധനം അടിയന്തിരമായി പിൻവലിക്കണമെന്നും എസ്.എൻ.ഡി. പി യോഗം ജനറൽ സെക്രട്ടറി വെള്ളാപ്പള്ളി നടേശൻ ആവശ്യപ്പെട്ടു. എസ്. എൻ. ഡി. പി യോഗം 1236-ാം നമ്പർ കട്ടപ്പന ശാഖയിൽ ശ്രീ നാരായണ ഗുരുദേവ ക്ഷേത്രപ്രതിഷ്ഠാ മഹോത്സവം ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം.നിർമാണ നിരോധനംമൂലം ജില്ലയിൽ വ്യവസായങ്ങളോ വിദ്യാഭ്യാസ സ്ഥാപനങ്ങളോ തുടങ്ങാനാവാത്ത സ്ഥിതിയാണ്. സാധാരണക്കാരുടെ ജീവിതം അനുദിനം ദു:സ്സഹമാവുകയാണ്. യുദ്ധകാലാടിസ്ഥാനത്തിൽ പ്രശ്‌നങ്ങൾ പരിഹരിക്കപ്പെടണം. ഇതിനായി എല്ലാ സമുദായ , രാഷ്ട്രീയ നേതാക്കൾ ഒരേ മനസോടെ ഇടപെടണം.ജില്ലയിലെ ജനങ്ങളുടെ ദുരിതം ഇല്ലാതാക്കാൻ എസ്.എൻ. ഡി. പി യോഗം ശക്തമായ സമരപരിപാടികൾ ആരംഭിക്കുമെന്നും അദ്ദേഹം പറഞ്ഞു.ഇതിന്റെ ഭാഗമായാണ് ഡിസംബർ 24 ന് ജില്ലയിലെ എല്ലാ യൂണിയനുകളും ചേർന്ന് നടത്തുന്ന പ്രതിഷേധ റാലിയെന്ന് അദ്ദേഹം പറഞ്ഞു.

മലനാട് എസ് എൻ ഡി പി യൂണിയൻ പ്രസിഡന്റ് ബിജു മാധവൻ അദ്ധ്യക്ഷത വഹിച്ചു. യൂണിയൻ സെക്രട്ടറി വിനോദ് ഉത്തമൻ മുഖ്യ പ്രഭാഷണം നടത്തി. യൂണിയൻ വൈസ് പ്രസിഡന്റ് വിധു എ സോമൻ, യോഗം ഇൻസ്പെക്ടിംഗ് ഓഫിസർ അഡ്വ.പി.ആർ മുരളീധരൻ, യോഗം ഡയറക്ടർ ഷാജി പുള്ളോലിൽ, യൂണിയൻ കൗൺസിലർ എ. എസ് സതീഷ്, വൈദിക യോഗം യൂണിയൻ പ്രസിഡന്റ് വി. ബി സോജു ശാന്തി, വനിതാ സംഘം യൂണിയൻ പ്രസിഡന്റ് സി. കെ വത്സ, യൂത്ത് മൂവ്‌മെന്റ് യൂണിയൻ പ്രസിഡന്റ് കെ. പി ബിനീഷ്, കൊച്ചുതോവാള ശാഖാ പ്രസിഡന്റ് സന്തോഷ്‌കുമാർ പാതയിൽ, കട്ടപ്പന നോർത്ത് ശാഖ പ്രസിഡന്റ് പി. കെ ജോഷി, പുളിയന്മല ശാഖാ പ്രസിഡന്റ് പ്രവീൺ വട്ടമല, വെള്ളയാംകുടി ശാഖാ പ്രസിഡന്റ് ടി. എൻ ഷൈബു, കട്ടപ്പന ശാഖാ വൈസ് പ്രസിഡന്റ് എ.എൻ സാബു, യൂണിയൻ കമ്മിറ്റി അംഗം പി.എം സജീന്ദ്രൻ, വനിതാ സംഘം പ്രസിഡന്റ് ഷീബാ വിജയൻ, യൂത്ത് മൂവ്‌മെന്റ് പ്രസിഡന്റ് സനീഷ് പറതാനത്ത്, കുമാരി സംഘം പ്രസിഡന്റ് കെ. ബി രേഷ്മ എന്നിവർ പ്രസംഗിച്ചു. കട്ടപ്പന ശാഖാ പ്രസിഡന്റ് സന്തോഷ് ചാളനാട്ട് സ്വാഗതവും സെക്രട്ടറി പി. ഡി ബിനു പാറയിൽ നന്ദിയും പറഞ്ഞു. ഗുരുദേവ പഞ്ചലോഹ പ്രതിഷ്ഠാ കർമ്മത്തിന് കുമരകം എം.എൻ.ഗോപാലൻ തന്ത്രികൾ മുഖ്യ കാർമ്മികത്വം വഹിച്ചു.