ഇടുക്കി: മോട്ടോർ വാഹന വകുപ്പ് ഇടുക്കി റീജിയണൽ ട്രാൻസ്‌പോർട് ഓഫിസിന്റെ കീഴിൽ വരുന്ന തൊടുപുഴ, ദേവികുളം, ഉടുമ്പൻചോല, വണ്ടിപ്പെരിയാർ എന്നീ ഓഫിസുകൾ സംയുക്തമായി ഡിസംബർ 16 ന് ചെറുതോണി ടൗൺ ഹാളിൽ രാവിലെ 10 മുതൽ ഉച്ചയ്ക്ക് ഒന്നുവരെ പരാതി പരിഹാര അദാലത്ത് നടത്തും. ഗതാഗതമന്ത്രി ആന്റണി രാജു ഉദ്ഘാടനം ചെയ്യുന്ന അദാലത്തിൽ ജലവിഭവ മന്ത്രി റോഷി അഗസ്റ്റിൻ അദ്ധ്യക്ഷത വഹിക്കും. ജില്ലയിലെ എം.പി, എം.എൽ.എ മാർ തുടങ്ങിയവർ പങ്കെടുക്കും. ഇടുക്കി ജില്ലയിലെ ഓഫിസുകളുടെ പരിധിയിൽ ഉൾപ്പെടുന്ന പരാതികൾ തപാൽ മുഖേനയോ നേരിട്ടോ ഡിസംബർ 9 നു മുൻപായി ബന്ധപ്പെട്ട ഓഫിസുകളിൽ സമർപ്പിക്കണം. അദാലത്തിൽ വകുപ്പ് മന്ത്രി പരാതി നേരിൽ കേട്ടു തീർപ്പ് കല്പിക്കും. നികുതി സംബന്ധമായ വിഷയങ്ങൾ, ദീർഘകാലമായി തീർപ്പാക്കാത്ത ഫയലുകൾ, ചെക്ക് റിപ്പോർട്ടുകൾ മുതലായവ ഇതോടൊപ്പം പരിഗണിക്കും. കൂടാതെ ഉടമ കൈപറ്റാതെ ഓഫിസിൽ മടങ്ങി വന്നിട്ടുള്ള ആർ സി, ലൈസൻസുകൾ എന്നിവ നേരിട്ട് ലഭിക്കുന്നതിനായി മേൽവിലാസം തെളിയിക്കുന്ന രേഖകളുമായി നേരിട്ട് എത്തണം. പരാതി പരിഹാര അദാലത്തുമായി ബന്ധപ്പെട്ട സംശയ നിവാരണത്തിന് ഫോൺ ഓഫിസ് 04862232244, ജോയിന്റ് ആർ.ടി.ഒ ഇടുക്കി 9188961906/8547639071, ജോയിന്റ് ആർ.ടി. ഒ വണ്ടിപ്പെരിയാർ 8547639176, ജോയിന്റ് ആർ.ടി.ഒ തൊടുപുഴ 8547639037, ജോയിന്റ് ആർ.ടി. ഒ ഉടുമ്പൻചോല 8547639069, ജോയിന്റ് ആർ.ടി. ഒ ദേവികുളം 8547639068.