കട്ടപ്പന: ഭൂനിയമങ്ങൾ കാലോചിതമായി ഭേദഗതി ചെയ്യുക, കേരളത്തിൽ സീറോ ബഫർസോൺ എന്ന യു.ഡി.എഫ് തീരുമാനം പുനഃസ്ഥാപിക്കുക, കെട്ടിട നിർമ്മാണ നിരോധന ഉത്തരവുകൾ പിൻവലിക്കുക എന്നീ ആവശ്യങ്ങൾ ഉന്നയിച്ച് യു.ഡി.എഫ് ആഹ്വാനം ചെയ്ത ഹർത്താൽ നാളെ നടക്കും. ഇടതുപക്ഷ സർക്കാരിന്റെ ജനവഞ്ചനയ്ക്കെതിരെയുള്ള താക്കീതായിരിക്കും ഹർത്താലെന്ന് യു.ഡി.എഫ് ജില്ലാ ചെയർമാൻ ജോയി വെട്ടിക്കുഴി, കൺവീനർ പ്രൊഫ. എം.ജെ. ജേക്കബ് എന്നിവർ പറഞ്ഞു. രാവിലെ ആറ് മുതൽ വൈകിട്ട് ആറ് വരെ നടത്തുന്ന ഹർത്താലിൽ എല്ലാവരും സഹകരിക്കണമെന്ന് നേതാക്കന്മാർ അഭ്യർത്ഥിച്ചു. ശബരിമല തീർത്ഥാടകർ, വിവാഹം, പാൽ വിതരണം, പത്രം എന്നിവയെ ഹർത്താലിൽ നിന്ന് ഒഴിവാക്കിയിട്ടുണ്ട്.