കുടയത്തൂർ: ലിറ്റിൽ കൈറ്റ്സ് യൂണിറ്റ് ക്യാമ്പ് കുടയത്തൂർ ഗവ.ഹയർ സെക്കന്ററി സ്ക്കൂളിൽ സംഘടിപ്പിച്ചു.ഐ.സി.ടി മേഖലയിലെ സാദ്ധ്യതകൾ തിരിച്ചറിയാനും പുതിയ സ്കൾ സാഹചര്യത്തിൽ ഫല പ്രദമായി ഇടപെടാനുമുള്ള കുട്ടികളുടെ ശേഷി വർദ്ധിപ്പിക്കാനും ലക്ഷ്യമിട്ടാണ് ക്യാമ്പ്. ലിറ്റിൽ കൈറ്റ്സ് അംഗങ്ങളുടെ ചുമതലകളും ഉത്തരവാദിത്വങ്ങളും സംബന്ധിച്ച് സെമിനാറും ക്യാമ്പിന്റെ ഭാഗമായി സംഘടിപ്പിച്ചു.ഹെഡ് മിസ്ട്രസ് എം ജീന അദ്ധ്യക്ഷത വഹിച്ച ക്യാമ്പ് കുടയത്തൂർ ഗ്രാമ പഞ്ചായത്ത് മെമ്പർ ഷീബ ചന്ദ്രശേഖരപിള്ള ഉദ്ഘാടനം ചെയ്തു.കൈറ്റ് മിസ്ട്രസ്മാരായ കൊച്ചുറാണി ജോയി സ്വാഗതവും ലിൻഡ ജോസ് നന്ദിയും പറഞ്ഞു.