മാഹി: മലയാള കലാഗ്രാമത്തിൽ നടക്കുന്ന അസീസ് മാഹിയുടെ വന ചിത്രങ്ങൾ വാങ്ങി ജീവകാരുണ്യ പ്രവർത്തനങ്ങളിൽ പങ്കാളിത്തം വഹിക്കാൻ മാഹി എക്സൽ സ്കൂളിലെ വിദ്യാർത്ഥികളും.പ്രദർശനത്തിലുളള ഫോട്ടോകൾ വില്പന നടത്തിയതിൽ നിന്നും ലഭിക്കുന്ന വരുമാനം മലബാർ കാൻസർ സെന്റർ ശിശു വിഭാഗത്തിനാണ് നൽകുന്നത്. സംഘാടക സമിതി ജോയിന്റ് കൺവീനർ രാജേഷ് വി.ശിവദാസിൽ നിന്നും മാഹി എക്സൽ പബ്ലിക് സ്കൂളിലെ വിദ്യാർത്ഥികളായ ഉദ്യ ഉല്ലാസ്, ദിയ പ്രദീപ്, ദേവദാഷ് ഷൈജു, ആദ്രിജ ലതീഷ് എന്നിവർ ചിത്രങ്ങൾ ഏറ്റുവാങ്ങി. എക്സൽ സ്കൂളിലെ വി.കെ.സുഷാന്ത് കുമാർ, എം.രാജേഷ്, കെ.പി.വിനോദൻ, സി.സി. രോഷ്ന, എം.രാധാകൃഷ്ണൻ, സംഘാടകരായ പ്രശാന്ത് ഒളവിലം, വി.എൻ.വത്സരാജ് എന്നിവരും മറ്റ് വിദ്യാർത്ഥികളും ചടങ്ങിൽ സംബന്ധിച്ചു. വരും ദിവസങ്ങളിൽ വിവിധ വിദ്യാലയങ്ങളിൽ നിന്നുള്ള വിദ്യാർത്ഥികളും വിവിധ സംഘടനകളും സ്ഥാപനങ്ങളും ഫോട്ടോ വാങ്ങി ജീവകാരുണ്യ പ്രവർത്തനത്തിൽ പങ്കാളികളാവും.