ജി.എച്ച്.എസ്.എസ്. പ്രാപ്പൊയിൽ മികച്ച സ്ക്കൂൾ

തളിപ്പറമ്പ്: കണ്ണൂർ റവന്യൂ ജില്ലാ സ്കൂൾ കായികമേളയിൽ പയ്യന്നൂർ ഉപജില്ലയുടെ സർവ്വാധിപത്യം. 240 പോയിന്റ് നേടി മറ്റ് ഉപജില്ലകളെ ബഹുദൂരം പിൻതള്ളിയാണ് ചാമ്പ്യൻപട്ടം കരസ്ഥാമാക്കിയത്. ഇതേ ഉപജില്ലയിലെ പ്രാപ്പൊയിൽ ജി.എച്ച്.എസ്. എസ്. 63 പോയന്റുകളാടെ മികച്ച സ്ക്കൂളായി.

ഇഞ്ചോടിഞ്ച് പോരാട്ടത്തിലൂടെ 115 പോയന്റുകളോടെ ഇരിട്ടി രണ്ടാം സ്ഥാനവും 114 പോയിന്റുകളോടെ തളിപ്പറമ്പ് നോർത്ത് മൂന്നാം സ്ഥാനവും നേടി. 2019 ൽ പയ്യന്നൂർ ചാമ്പ്യൻപട്ടം നേടിയപ്പോൾ തളിപ്പറമ്പ് നോർത്ത് രണ്ടാം സ്ഥാനത്തും ഇരിട്ടി മൂന്നാം സ്ഥാനത്തും ആയിരുന്നു. ജി.എച്ച്. എസ്.എസ്. മാത്തിൽ 51 പോയിന്റുകളോടെ മികച്ച രണ്ടാമത്തെ സ്ക്കൂളായും 42 പോയിന്റുമായി മണിക്കടവ് സെന്റ് തോമസ് മൂന്നാം സ്ഥാനവും നേടി. 2019 ൽ മികച്ച സ്ക്കൂളായ വാരം സി.എച്ച്.എം. ഹൈസ്ക്കൂളിന് ഇത്തവണ പോയിന്റ് പട്ടികയിൽ പോലും ഇടം നേടാനായില്ല.പ്രാപ്പൊയിൽ സ്കൂൾ കഴിഞ്ഞ മേളയിലെ രണ്ടാം സ്ഥാനക്കാരായിരുന്നു.

സമാപന സമ്മേളനം കല്യാശ്ശേരി ബ്ലോക്ക് പഞ്ചായത്ത് പ്രസിഡന്റ് പി.പി. ഷാജിർ ഉദ്ഘാടനം ചെയ്തു. കല്യാശ്ശേരി പഞ്ചായത്ത് പ്രസിഡന്റ് ടി.ടി. ബാലകൃഷ്ണൻ അദ്ധ്യക്ഷത വഹിച്ചു.