കോഴിക്കോട് : അവകാശം, ആത്മാഭിമാനം, സാമൂഹിക നീതി എന്ന പ്രമേയത്തിൽ ഫ്രറ്റേണിറ്റി മൂവ്മെന്റ് സംസ്ഥാന കമ്മിറ്റി കോഴിക്കോട് അൽ ഹറമൈൻ ഇംഗ്ലീഷ് സ്‌കൂളിൽ നടത്തുന്ന റിസർവേഷൻ സമ്മിറ്റിന് തുടക്കം. . . യു.ജി.സി മുൻ ചെയർമാൻ ഡോ.സുഗതോ തൊറാട്ട് ഉദ്ഘാടനം ചെയ്തു. സംവരണത്തെ കുറിച്ചുള്ള പൊതു ധാരണകൾ എത്രമാത്രം ദുർബലമാണെന്ന് തൊറാട്ട് പറഞ്ഞു. പൊതുമേഖലയിൽ മാത്രമല്ല സ്വകാര്യ വിദ്യാഭ്യാസ, ഉദ്യോഗ മേഖലകളിലും സംവരണം സ്ഥാപിച്ചെടുക്കേണ്ടതുണ്ട് മുൻ മന്ത്രി നീല ലോഹിതദാസ് നാടാർ മുഖ്യ പ്രഭാഷണം നടത്തി.വെൽഫെയർ പാർട്ടി കേരള വൈസ് പ്രസിഡന്റ് സുരേന്ദ്രൻ കരിപ്പുഴ, വുമൺ ജസ്റ്റിസ് മൂവ്മെന്റ് സംസ്ഥാന പ്രസിഡന്റ് ജബീന ഇർഷാദ്, എഫ്.ഐ.ടിയു കേരള പ്രസിഡന്റ് ജ്യോതി ദാസ് പറവൂർ,അസറ്റ് ചെയർമാൻ കെ. ബിലാൽ ബാബു എന്നിവർ പ്രസംഗിച്ചു. ഫ്രറ്റേണിറ്റി മൂവ്മെന്റ് സംസ്ഥാന പ്രസിഡന്റ് നജ്ദ റൈഹാൻ അദ്ധ്യക്ഷത വഹിച്ചു. റിസർവേഷൻ സമ്മിറ്റ് ഡയറക്ടർ കെ.കെ.അഷ്റഫ് സ്വാഗതവും ഫ്രറ്റേണിറ്റി മൂവ്മെന്റ് സംസ്ഥാന സെക്രട്ടറി ലത്തീഫ് പി. എച്ച് നന്ദിയും പറഞ്ഞു.